ເຂື່ອນໄຟຟ້ານ້ຳຄານ 2 ແລະ ນ້ຳຄານ 3 ເພີ່ມຄວາມເຂັ້ມງວດ ໃນການບໍລິຫານຈັດການນ້ຳລະດູຝົນ ເນັ້ນຄວາມປອດໄພ ແລະ ການສື່ສານຂໍ້ມູນຢ່າງໂປ່ງໃສ
ອີງຕາມການແຈ້ງການຂອງກົມອຸຕຸນິຍົມ ວັນທີ 21/08/2026 ສະພາບອາກາດຍັງມີຝົນຕົກໃນຫຼາຍພື້ນທີ່ ແລະ ບາງທ້ອງຖິ່ນອາດມີຝົນຕົກປານກາງຫາໜັກຕິດຕໍ່ກັນ ເຊິ່ງສາມາດສົ່ງຜົນໃຫ້ປະລິມານນ້ຳໃນລຳນ້ຳ ແລະ ອ່າງເກັບນ້ຳປ່ຽນແປງໄດ້ຢ່າງໄວວາ.
ຕໍ່ສະພາບການດັ່ງກ່າວ, ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ)ໃຫ້ຄວາມສຳຄັນສູງຕໍ່ການຕິດຕາມ ແລະ ບໍລິຫານຈັດການນ້ຳຂອງເຂື່ອນໄຟຟ້ານ້ຳຄານ 2 (NK2) ແລະ ນ້ຳຄານ 3 (NK3)ຢ່າງໃກ້ຊິດ ໂດຍອີງໃສ່ຂໍ້ມູນອຸທົກະວິທະຍາ ແລະ ສະພາບອາກາດ ເພື່ອໃຫ້ການດຳເນີນງານເປັນໄປຢ່າງຮອບຄອບ ແລະ ປອດໄພ.
📊ສະຖານະການລະບາຍນ້ຳ (ຜ່ານປະຕູນ້ຳລົ້ນ) ວັນທີ 21 ສິງຫາ 2026
ຈາກຂໍ້ມູນລາຍງານປະຈຳວັນ ພົບວ່າ ການລະບາຍນ້ຳຜ່ານປະຕູນ້ຳລົ້ນ (Qs) ຂອງ NK2 ແລະ NK3 ມີລາຍລະອຽດດັ່ງນີ້:
🔹ລະບາຍນ້ຳຜ່ານ ເຂື່ອນນ້ຳຄານ 2 (NK2)
• ອັດຕາການລະບາຍນ້ຳສ່ວນໃຫຍ່ຢູ່ປະມານ252.34 m³/s
• ໃນເວລາ 08:00 ໂມງ ມີອັດຕາການລະບາຍປະມານ 218.15 m³/s
• ເປີດປະຕູນ້ຳລົ້ນ4 ບານ (Gate 1–4)
• ລະດັບການເປີດແຕ່ລະບານ0.20 ແມັດ
🔹ເຂື່ອນນ້ຳຄານ 3 (NK3)
• ອັດຕາການລະບາຍນໍ້າສະເລ່ຍ 478.97 m³/s
• ໃນເວລາ 08:00 ໂມງ ມີອັດຕາການລະບາຍປະມານ 263.09 m³/s
• ເປີດປະຕູນ້ຳລົ້ນ3 ບານ (Gate 1–3)
• ລະດັບການເປີດແຕ່ລະບານ0.20 ແມັດ
ຂໍ້ມູນດັ່ງກ່າວສະທ້ອນໃຫ້ເຫັນວ່າ ການບໍລິຫານຈັດການນ້ຳຂອງແຕ່ລະເຂື່ອນມີການປັບຕາມສະພາບນ້ຳ ແລະ ຂໍ້ມູນດ້ານອຸທົກະວິທະຍາຢ່າງຕໍ່ເນື່ອງ.
🌧️ ຕິດຕາມສະພາບຝົນ ແລະ ພະຍາກອນອາກາດ
ຕາມບົດສະຫຼຸບພະຍາກອນອາກາດ ປະຈຳວັນທີ 21 ສິງຫາ 2026 ເວລາ 07:00–12:00 ໂມງພົບວ່າ ບໍລິເວນຄວາມກົດດັນອາກາດຕ່ຳຍັງສືບຕໍ່ພັດຜ່ານຢູ່ເຂດພາກເໜືອ ແລະພາກກາງ ສົມທົບກັບລົມມໍລະສຸມຕາເວັນຕົກສ່ຽງໃຕ້ ພັດປົກຄຸມເປັນສ່ວນໃຫຍ່.
ສະພາບດັ່ງກ່າວ ອາດເຮັດໃຫ້:
☁️ ມີຝົນຕົກ ແລະ ຟ້າຮ້ອງຟ້າເຫຼື້ອມໃນຫຼາຍພື້ນທີ່
🌧️ ບາງທ້ອງຖິ່ນອາດມີຝົນຕົກໜັກ
💨ບາງໄລຍະອາດມີລົມພັດແຮງ
ພ້ອມກັນນັ້ນ ຄວນເຝົ້າລະວັງຝົນຕົກປານກາງຫາໜັກຕິດຕໍ່ກັນຫຼາຍວັນ ເຊິ່ງອາດສົ່ງຜົນໃຫ້ເກີດນ້ຳຖ້ວມຊຸ, ດິນເຈື່ອນ ແລະ ນ້ຳຖ້ວມອັ່ງໃນບາງພື້ນທີ່.
🛡️ ຄວາມປອດໄພຄືສິ່ງສຳຄັນສູງສຸດ
ການບໍລິຫານນ້ຳຂອງ NK2 ແລະ NK3 ໃນຊ່ວງລະດູຝົນ ແມ່ນບໍ່ໄດ້ອີງໃສ່ປັດໄຈໃດປັດໄຈໜຶ່ງ ແຕ່ເນັ້ນການຕິດຕາມ ແລະ ວິເຄາະຫຼາຍຂໍ້ມູນປະກອບກັນ ເຊັ່ນ:
* ປະລິມານນ້ຳໄຫຼເຂົ້າ
• ລະດັບນ້ຳໃນອ່າງ
• ປະລິມານຝົນ
• ການພະຍາກອນອາກາດ
• ສະພາບການໄຫຼຂອງນ້ຳຕາມລຳນ້ຳ
• ຄວາມສາມາດໃນການລະບາຍນ້ຳຂອງລະບົບ
ຂະບວນການດັ່ງກ່າວ ມີເປົ້າໝາຍເພື່ອໃຫ້ການຈັດການນ້ຳເປັນໄປຢ່າງຮອບຄອບ ແລະ ສອດຄ່ອງກັບສະພາບຈິງ.
🤝ສື່ສານຂໍ້ມູນຢ່າງໂປ່ງໃສ ຮ່ວມກັນເຝົ້າລະວັງ
ຜ-ຟຟລ ໃຫ້ຄວາມສຳຄັນຕໍ່ການເຜີຍແຜ່ຂໍ້ມູນສະຖານະການຂອງເຂື່ອນ ແລະ ລະດັບນ້ຳໃຫ້ສັງຄົມຮັບຮູ້ຢ່າງຕໍ່ເນື່ອງ ໂດຍຂໍໃຫ້ປະຊາຊົນຕິດຕາມຂ່າວສານຈາກແຫຼ່ງຂໍ້ມູນທາງການ ແລະ ຫຼີກລ້ຽງການແຜ່ກະຈາຍຂ່າວທີ່ບໍ່ມີແຫຼ່ງອ້າງອີງ.
ການຮັບຮູ້ຂໍ້ມູນທີ່ຖືກຕ້ອງ ແລະ ທັນເວລາ ຈະຊ່ວຍໃຫ້ປະຊາຊົນ ແລະ ພາກສ່ວນ ຕ່າງໆສາມາດກຽມພ້ອມ ແລະ ຮັບມືກັບສະພາບອາກາດໃນລະດູຝົນໄດ້ຢ່າງເໝາະສົມ.
ຜ-ຟຟລ ຂໍໃຫ້ພໍ່ແມ່ປະຊາຊົນ ບໍ່ປະໝາດ — ຕິດຕາມຂ່າວສານ, ເຝົ້າລະວັງສະພາບນ້ຳ ແລະ ປະຕິບັດຕາມຄຳແນະນຳຈາກພາກສ່ວນທາງການ.
💙ຄວາມປອດໄພຂອງປະຊາຊົນ ຄືຄວາມສຳຄັນຂອງ ຜ-ຟຟລ
#EDLGen #ນ້ຳຄານ2 #ນ້ຳຄານ3 #NK2 #NK3 #ບໍລິຫານຈັດການນ້ຳ #ລະດູຝົນ #ເຝົ້າລະວັງນ້ຳ #ຄວາມປອດໄພ #ຂໍ້ມູນໂປ່ງໃສ