ໃນວັນທີ 07 ທັນວາ 2023 ທີ່ຜ່ານມາ, ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ເຂົ້າຮ່ວມງານ “ພິທີມອບ- ຮັບລາງວັນເປີດເຜີຍຂໍ້ມູນດີເດັ່ນ ແລະ ລາງວັນຄຸ້ມຄອງບໍລິຫານດີເດັ່ນປະຈໍາປີ 2023 ຂອງບໍລິສັດຈົດທະບຽນໃນ ຕະຫຼາດຫຼັກຊັບລາວ ຫຼື ຕລຊລ (LSX Disclosure and Corporate Governance Award 2023)".
ໃນປີ 2023 ຜ-ຟຟລ ແມ່ນໄດ້ລາງວັນຄື: “ການເປີດເຜີຍຂໍ້ມູນດີເດັ່ນປະເພດ 1”, ແລະ “ການຄຸ້ມຄອງບໍລິຫານດີເດັ່ນປະເພດ 2”.
ເຊິ່ງ ທ່ານ ດາວວຽງ ສຸນັນທະລາດ ຮອງຜູ້ອຳນວຍການໃຫຍ່ ເປັນຜູ້ຕ່າງໜ້າ ຜ-ຟຟລ ເປັນຜູ້ຮັບລາງວັນດັ່ງກ່າວໃນຄັ່ງນີ້
ພິທີມອບຮັບລາງວັນໃນປີນີ້ ແມ່ນເພື່ອເປັນການສະຫຼຸບຕີລາຄາຍ້ອງຍໍຜົນງານການເປີດເຜີຍຂໍ້ມູນ ແລະ ການຄຸ້ມຄອງບໍລິຫານດີເດັ່ນ ຂອງບໍລິສັດຈົດທະບຽນໃນ ຕລຊລ ຕະຫຼອດໄລຍະປີ 2023 ທີ່ຕ້ອງໄດ້ປະຕິບັດວຽກງານການ ເປີດເຜີຍຂໍ້ມູນໃຫ້ແກ່ບັນດາຜູ້ລົງທຶນ ແລະ ມວນຊົນຮັບຊາບເປັນປະຈຳ.
ນອກຈາກນັ້ນຍັງໄດ້ມີການຈັດຕັ້ງປະຕິບັດ ການຄຸ້ມຄອງບໍລິຫານຂອງ ຜ-ຟຟລ.
ການມອບຮັບລາງວັນດັ່ງກ່າວ ຍັງເປັນການກະຕຸກຊຸກຍູ້ໃຫ້ບັນດາບໍລິສັດທີ່ ຈົດທະບຽນໄດ້ປະຕິບັດການລາຍງານ ແລະ ເປີດເຜີຍຂໍ້ມູນໃຫ້ສືບຕໍ່ເປັນປົກກະຕິຕໍ່ເນື່ອງເພື່ອສ້າງຄວາມເຊື່ອໝັ້ນແກ່ນັກ ລົງທຶນພາຍໃນ ແລະ ຕ່າງປະເທດ.