ວັນທີ 1 ກັນຍາ 2026, ຕາງໜ້າ ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ເຂົ້າຮ່ວມກອງປະຊຸມ ເພື່ອມອບ-ຮັບ ວຽກກໍ່ສ້າງຕາຂ່າຍໄຟຟ້າແຮງດັນກາງ 22 (kV) ຕາມເສັ້ນທາງ 516 ຄວາມຍາວ 5,9 ກິໂລແມັດ ຢູ່ເມືອງ ລ້ອງຊານ, ແຂວງ ໄຊສົມບູນ ຢ່າງເປັນທາງການ. ກອງປະຊຸມດັ່ງກ່າວ ໄດ້ຈັດຂຶ້ນຢູ່ທີ່ ເຂື່ອນໄຟຟ້ານ້ຳເລິກ, ເມືອງ ລ້ອງຊານ, ແຂວງ ໄຊສົມບູນ.
ການສຳເລັດ ແລະ ມອບ-ຮັບ ວຽກງານໃນຄັ້ງນີ້ ມີຄວາມໝາຍຄວາມສຳຄັນຢ່າງຍິ່ງ ໃນການເພີ່ມປະສິດທິພາບ ແລະ ຄວາມໝັ້ນຄົງ ການຈ່າຍກະແສໄຟຟ້າ ເພື່ອສະໜອງພະລັງງານໄຟຟ້າ ໃຫ້ແກ່ປະຊາຊົນໃນຂົງເຂດດັ່ງກ່າວຢ່າງພຽງພໍ, ທັງເປັນການປະກອບສ່ວນເຂົ້າໃນການພັດທະນາ ເສດຖະກິດ ແລະ ປັບປຸງຊີວິດຄວາມເປັນຢູ່ຂອງປະຊາຊົນ ໃນເມືອງ ລ້ອງຊານ ແຂວງ ໄຊສົມບູນ ໃຫ້ດີຂຶ້ນເລື້ອຍໆ.