ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຮ່ວມເປັນເຈົ້າພາບກັບ ບໍລິສັດ ເທີນ-ຫີນບູນ ພາວເວີ້ (THPC) ຈັດງານແຂ່ງຂັນກ໋ອຟການກຸສົນ
ໃນວັນທີ 1 ກຸມພາ 2020, ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຮ່ວມເປັນເຈົ້າພາບກັບ ບໍລິສັດ ເທີນ-ຫີນບູນ ພາວເວີ້ (THPC) ຈັດງານແຂ່ງຂັນກ໋ອຟການກຸສົນເພື່ອເປັນການອຸປະຖຳປັດໃຈ ທີ່ຈະນໍາເອົາທຶນດັ່ງກ່າວໄປພັດທະນາໂຮງຮຽນໃນເຂດຊົນນະບົດຫ່າງໄກສອກຫຼີກ. ໂດຍການເປັນປະທານຂອງ ປອ ຄໍາມະນີ ອິນທິລາດ, ລັດຖະມົນຕີກະຊວງພະລັງງານ ແລະ ບໍ່ແຮ່, ປະທານຂອງ ຜ-ຟຟລ, ແລະ ເຂົ້າຮ່ວມໂດຍບັນດາຄະນະກະຊວງພະລັງງານ ແລະ ບໍ່ແຮ່ ພ້ອມດ້ວຍບໍລິສັດທີ່ຢູ່ອ້ອມຂ້າງຂອງ ຜ-ຟຟລ ແລະ THPC.
ອີກປະການໜຶ່ງກໍແມ່ນສ້າງຄວາມສາມັກຄີ ແລະ ມິດຕະພາບທີ່ດີກັບກະຊວງພະລັງງານ ແລະ ບໍ່ແຮ່ກໍຄືລັດຖະບານ ແລະ ບັນດາບໍລິສັດອ້ອມຂ້າງອີກດ້ວຍ.