ໃນລະຫວ່າງ ວັນທີ 27-29 ຕຸລາ 2022, ທ່ານ ວັນແສງ ວັນນະວົງ ຮັກສາການຜູ້ອຳນວຍການໃຫຍ່ ບໍລິສັດ ຜະລິດ-ໄຟຟ້າລາວ ມະຫາຊົນ ພ້ອມດ້ວຍຄະນະ ໄດ້ຮ່ວມຕ້ອນຮັບ ຄະນະຕາງໜ້າຜູ້ຖືຮຸ້ນລາຍໃຫຍ່ ຂອງ ຜ-ຟຟລ ຈຳນວນ 14 ທ່ານ ທັດສະນະຢ້ຽມຢາມ ເຂື່ອນໄຟຟ້ານ້ຳຄານ 3 ທີ່ເມືອງ ຊຽງເງິນ ແຂວງ ຫຼວງພະບາງ, ເຊິ່ງເປັນໜຶ່ງ ໃນບັນດາເຂື່ອນໄຟຟ້າທີ່ ຜ-ຟຟລ ເປັນຜູ້ຄຸ້ມຄອງ.
ໃນໂອກາດດັ່ງກ່າວ ທ່ານ ວັນແສງ ວັນນະວົງ ໄດ້ສະແດງຄວາມຕ້ອນຮັບນັກລົງທຶນຢ່າງອົບອຸ່ນ ແລະ ກ່າວຂອບໃຈທີ່ເຊື່ອໝັ້ນໃນການດຳເນີນທຸລະກິດ ຂອງ ຜ-ຟຟລ ຕໍ່ຄະນະຕາງໜ້າຜູ້ຖືຮຸ້ນລາຍໃຫຍ່ ຂອງ ຜ-ຟຟລ.
ພາຍຫຼັງສຳເລັດການຢ້ຽມຢາມເຂື່ອນໄຟຟ້ານ້ຳຄານ 3 ແລ້ວ ຄະນະດັ່ງກ່າວ ໄດ້ສືບຕໍ່ຢ້ຽມຢາມ ເຂື່ອນໄຟຟ້າ ໄຊຍະບູລີ ເຊິ່ງເປັນໜຶ່ງໃນບັນດາເຂື່ອນໄຟຟ້າເອກະລາດ ທີ່ຜ-ຟຟລ ມີສັດສ່ວນການຖືຮຸ້ນໃນເຂື່ອນດັ່ງກ່າວ ຈຳນວນ 20 ສ່ວນຮ້ອຍ.