ຂ່າວຊ່ວຍເຫລືອສັງຄົມ

ໜ່ວຍສະຫະພັນແມ່ຍິງ ຜ–ຟຟລ ມອບອຸປະກອນການສຶກສາ ແລະ ລ້ຽງອາຫານ ແກ່ນ້ອງໆນັກຮຽນ ໃນວັນທີ 18 ກໍລະກົດ 2022 ຄະນະໜ່ວຍສະຫະພັນແມ່ຍິງ ຜ-ຟຟລ ແລະ ພະນັກງານ ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຈັດກິດຈະກໍາ ມອບອຸປະກອນການສຶກສາ ແລະ ລ້ຽງອາຫານທ່ຽງ ແກ່ນ້ອງໆນັກຮຽນ ໂຮງຮຽນ ປະຖົມ ບ້ານ ສາມັກຄີໄຊ, ເມືອງ ຊຽງເງິນ, ແຂວງ ຫຼວງພະບາງ, ເພື່ອສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 67 ປີ, ໂດຍມີ ທ່ານ ນາງ ສຸກສັນ ພົງພິລາ ປະທານໜ່ວຍສະຫະພັນແມ່ຍິງ ຜ-ຟຟລ, ຮອງຜູ້ອຳນວຍການໃຫຍ່ ຜ-ຟຟລ ພ້ອມດ້ວຍຄະນະພະນັກງານ ຜ-ຟຟລ, ຫົວໜ້າພະແນກສຶກສາເມືອງຊຽງເງີນ, ຄູອາຈານ ແລະ ນ້ອງໆນັກຮຽນ ເຂົ້າຮ່ວມກິດຈະກຳໃນຄັ້ງນີ້.

EDL-Gen ຮັບລາງວັນ ‘The ESQR’s Quality Choice Prize 2022’ ທີ່ ປະເທດສະເປນ ໃນວັນທີ 03 ກໍລະກົດ 2022, ຕາງໜ້າຄະນະນຳຂອງ ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຮັບກຽດເຂົ້າ​ຮ່ວມພິທີ​ຮັບ​ລາງວັນ ‘ESQR’s Quality Choice Prize 2022’ ທີ່ ເມືອງ ບາເຊວໂລນາ ປະເທດສະເປນ.

ຜ-ຟຟລ ແລະ ຟຟລ ຮ່ວມກັນຈັດກິດຈະກຳປ່ອຍປາ ສະເຫຼີມສະຫຼອງ ວັນປ່ອຍປາ ແລະ ອະນຸລັກສັດນໍ້າ–ສັດປ່າ ແຫ່ງຊາດ ໃນວັນທີ 13 ກໍລະກົດ 2022 ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ຮ່ວມກັບ ລັດວິສາຫະກິດໄຟຟ້າລາວ (ຟຟລ) ຈັດກິດຈະກຳປ່ອຍປາ ທີ່ເຂື່ອນໄຟຟ້ານໍ້າງື່ມ-1 ບ້ານແສງສະຫວ່າງ, ເມືອງແກ້ວອຸດົມ, ແຂວງ ວຽງຈັນ ເພື່ອສ້າງຂະບວນການສະເຫຼີມສະຫຼອງ ວັນປ່ອຍປາ ແລະ ອະນຸລັກສັດນໍ້າ-ສັດປ່າ ແຫ່ງຊາດ ຄົບຮອບ 25 ປີ ແລະ ວັນຄ້າຍວັນເກີດຂອງ ທ່ານປະທານ ສຸພານຸວົງ ຄົບຮອບ 113 ປີ.

EDL-Gen ຈັດກິດຈະກໍາ ປູກຕົ້ນໄມ້ ແລະ ປ່ອຍປາ ບໍລິສັດ ຜະລິດ-​ໄຟຟ້າລາວ ມະຫາຊົນ (ຜ–ຟຟລ) ຫຼື EDL-Gen ໄດ້ຈັດກິດຈະກຳ ປູກ​ຕົ້ນ​​ໄມ້ ແລະ ປ່ອຍປາ ທີ່ເຂື່ອນ ໄຟຟ້າ ນ້ຳສະນາ, ເມືອງ​ ກາສີ, ​ແຂວງ ວຽງຈັນ ເພື່ອເປັນການສະເຫຼີມສະຫຼອງ ວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ ວັນທີ 01 ມິຖຸນາ ປະຈໍາປີ 2022.

ຜ-ຟຟລ ຊ່ວຍເຫຼືອວຽກງານການ​ກໍ່​ສ້າງໂຮງຮຽນປະຖົມສົມບູນ ໃຫ້ແກ່ຊຸມຊົນອ້ອມຂ້າງເຂື່ອນໄຟຟ້ານໍ້າເລິກ ໃນວັນທີ 21 ມັງກອນ 2022 ທີ່ໂຮງຮຽນປະຖົມສົມບູນບ້ານ​ທ່າ​ເຮືອ  ຄະນະກຳມະການ ຈາກສຳນັກງານໃຫຍ່ ບໍລິສັດ ຜະລິດ-ໄຟຟ້າລາວ ມະຫາຊົນ ແລະ ເຂື່ອນໄຟຟ້ານໍ້າເລິກ ຮ່ວມກັບ ບໍລິສັດ ຫຼັກໄຊ ກໍ່ສ້າງຂົວ-ທາງ ຈຳກັດ ຜູ້ດຽວ (ຜູ້ຮັບເໝົາ) ໄດ້ລົງກວດກາວຽກສຳເລັດ 100% ແລະ ໄດ້ມອບ-ຮັບ ໂຄງການ ກໍ່​ສ້າງ​ໂຮງຮຽນປະ​ຖົມ​ສົມ​ບູນບ້ານ​ທ່າ​ເຮືອ, ເມືອງ ລ້ອງ​ຊານ, ແຂວງ ໄຊ​ສົມ​ບູນ ຈຳນວນ 1 ຫຼັງ ເຊິ່ງປະກອບມີ ຫ້ອງຮຽນ 5 ຫ້ອງ, ຫ້ອງນໍ້າ 2 ຫ້ອງ ພ້ອມດ້ວຍອຸປະກອນ ກະດານ,ຕູ້,ໂຕະ,ຕັ່ງ ທັງຂອງນັກຮຽນ ແລະ ຄູອາຈານ.

ແຈ້ງການກ່ຽວກັບການປ່ອຍນ້ຳເຂື່ອນໄຟຟ້າຫ້ວຍລຳພັນໃຫຍ່ ເຂື່ອນໄຟຟ້າຫ້ວຍລຳພັນໃຫຍ່ອອກແຈ້ງການກ່ຽວກັບການປ່ອຍນ້ຳເພື່ອປັບລະດັບນ້ຳຂອງອ່າງເກັບນ້ຳຂອງເຂື່ອນໄຟຟ້າຫ້ວຍລຳພັນໃຫຍ່ ເລີ່ມເວລາ 23:00 ໂມງ ຂອງວັນທີ 17 ຕຸລາ 2021 ຫາເວລາ 24:00 ໂມງ ຂອງວັນທີ 22 ຕຸລາ 2021.

ຜ-ຟຟລ ປະກອບສ່ວນວຽກງານຊ່ວຍເຫຼືອສັງຄົມ ບໍລິສັດ ຜະລິດ-ໄຟຟ້າລາວ ມະຫາຊົນ ຫຼື EDL-Gen ໄດ້ອຸປະຖໍາເງິນສຳລັບວຽກງານຊ່ວຍເຫຼືອສັງຄົມ ໂດຍ ໃນວັນທີ 27 ສິງຫາ 2021 ຜູ້ຕາງໜ້າ ຜ-ຟຟລ ໄດ້ມອບເງິນຈຳນວນ 5 ລ້ານກີບໃຫ້ແກ່ ຜູ້ຕາງໜ້າ ລັດວິສາຫະກິດໄຟຟ້າລາວ ເພື່ອປະກອບສ່ວນຊ່ວຍເຫຼືອ ຜູ້ປະສົບໄພນ້ຳຖ້ວມທີ່ແຂວງໄຊຍະບູລີ ຫ່ວາງບໍ່ດົນມານີ້.

ເຂື່ອນໄຟຟ້ານ້ຳງື່ມ -1 ສົ່ງເສີມການອະນຸລັກສັດນໍ້າ ເຂື່ອນໄຟຟ້ານ້ຳງື່ມ -1 ຮ່ວມພິທີສະເຫລີມສະຫລອງວັນປ່ອຍປາ, ອະນຸລັກ ສັດນ້ຳ ແລະ ສັດປ່າ ວັນທີ 13 ກໍລະກົດ 2021 ໂດຍການຮ່ວມສົມທົບ ລະຫວ່າງອົງການປົກຄອງເມືອງ ແກ້ວອຸດົມ, ຫ້ອງການກະສິກຳ ແລະ ປ່າໄມ້ເມືອງ ແກ້ວອຸດົມ, ເຂື່ອນໄຟຟ້ານ້ຳງື່ມ -1 ແລະ ອົງການປົກຄອງທ້ອງຖິ່ນບ້ານໃກ້ຄຽງຂອງເມືອງ ແກ້ວອຸດົມ ແຂວງວຽງຈັນ

ຜ-ຟຟລ ຮ່ວມມອບເງີນອຸດໜູນແກ່ຄອບຄົວຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມ ເພື່ອເປັນການປະກອບສ່ວນບັນເທົາທຸກຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມທີ່ເມືອງສະໜາມໄຊ ແຂວງອັດຕະປື, ໃນວັນທີ 03 ທັນວາ 2018,ຄະນະຜູ້ອຳນວຍການໃຫຍ່ ແລະ ຕົວແທນ 3 ອົງການຈັດຕັ້ງມະຫາຊົນ ບໍລິສັດ ຜະລິດ-ໄຟຟ້າລາວ ມະຫາຊົນ ໄດ້ຮ່ວມກັບ ຄະນະຄອບຄົວການນຳ ຊຶ່ງນຳໂດຍ ຄອບຄົວ ທ່ານ ນາງ ນາລີ ສີສຸລິດ, ພັນລະຍາ ທ່ານ ນາຍົກລັດຖະມົນຕີແຫ່ງ ສປປ ລາວ,

ຜ-ຟຟລ ຮ່ວມສົມທົບທຶນເພື່ອຊ່ວຍເຫຼືອຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມ ເພື່ອເປັນການປະກອບສ່ວນບັນເທົາຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມໃນທົ່ວປະເທດ, ໃນວັນທີ 04 ຕຸລາ 2018, ທີ່ ສໍານັກງານ ນາຍົກລັດຖະມົນຕີແຫ່ງ ສປປລາວ. ຄະນະການນໍາກະຊວງພະລັງງານ ແລະ ບໍ່ແຮ່, ລັດວິສາຫະກິດໄຟຟ້າລາວ (ຟຟລ) ແລະ ບໍລິສັດ ຜະລິດ – ໄຟຟ້າ ລາວ ມະຫາຊົນ (ຜ-ຟຟລ) ໄດ້ມອບເງີນ ຈໍານວນ 3 ຕື້ກີບ ໃຫ້ກັບລັດຖະບານ ເພື່ອນໍາໄປຊຶ້ແນວພັນພຶດ ມອບໃຫ້ກັບຄອບຄົວທີ່ໄດ້ຮັບຜົນກະທົບຈາກໄພນໍ້າຖ້ວມດັ່ງກ່າວ.

ຜ-ຟຟລ ຊ່ວຍເຫຼືອ ຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມ ເພື່ອເປັນການປະກອບສ່ວນບັນເທົາຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມ, ໃນວັນທີ 18-19 ກັນຍາ 2018, ສາມອົງການຈັດຕັ້ງມະຫາຊົນຂອງ ລັດວິສາຫະກິດໄຟຟ້າລາວ (ຟຟລ) ແລະ ບໍລິສັດ ຜະລິດ – ໄຟຟ້າ ລາວ ມະຫາຊົນ (ຜ-ຟຟລ)

ການນຳລັດຖະບານ ຕິດຕາມ ສະພາບນ້ຳຖ້ວມ ຄະນະການນຳລັດຖະບານ ເຊິ່ງນຳໂດຍ ທ່ານ ບຸນທອງ ຈິດມະນີ, ຮອງນາຍົກລັດຖະມົນຕີ ພ້ອມດ້ວຍ ທ່ານ ຄຳມະນີ ອິນທິລາດ, ລັດຖະມົນຕີ ກະຊວງພະລັງງານ ແລະ ບໍ່ແຮ່, ການນຳຈາກລັດວິສາຫະກິດໄຟຟ້າລາວ ແລະ ບໍລິສັດ ຜະລິດ-ໄຟຟ້າລາວ ມະຫາຊົນ, ໄດ້ລົງຕິດຕາມ ສະພາບນ້ຳຖ້ວມ ຕາມລ່ອງນ້ຳງື່ມ ໃນວັນທີ 8 ກັນຍາ 2018.

ສະພາບການປ່ອຍນໍ້າຜ່ານປະຕູນໍ້າລົ້ນ ຂອງເຂື່ອນໄຟຟ້າ ນໍ້າງື່ມ-1 ໄລຍະຜ່ານມາເກີດມີຮ່ອງມໍລະສຸມ (ຮ່ອງຝົນ) ພັດຜ່ານ ພາກເໜືອ ແລະ ພາກກາງຂອງປະເທດລາວ ສົມທົບກັບ ລົມມໍລະສຸມ ຕາເວັນຕົກ ສຽງໃຕ້ ທີ່ມີກຳລັງແຮງພັດຜ່ານ ເຮັດໃຫ້ມີຝົນຕົກຢ່າງຕໍ່ເນື່ອງ ແຕ່ວັນທີ 3 ກັນຍາ 2018 ຈົນເຖິງປັດຈຸບັນ ແລະ ຍັງມີທ່າທີວ່າຈະມີຝົນຕົກສືບຕໍ່ໄປເຖິງວັນທີ 9 ກັນຍາ 2018 ຕາມການພະຍາກອນຂອງອຸຕຸນິຍົມ. ສົມທົບກັບເຂື່ອນໄຟຟ້າ ນ້ຳງື່ມ 2 ປ່ອຍນໍ້າລົງມາໃສ່ອ່າງນໍ້າງື່ມເປັນຈຳນວນຫຼວງຫຼາຍ ເຊັ່ນດຽວກັບບັນດາເຂື່ອນທີ່ຕັ້ງຢູ່ ອ້ອມຮອບບໍລິເວນອ່າງນໍ້າງື່ມເຊັ່ນ: ເຂື່ອນໄຟຟ້ານໍ້າລິກ 1-2, ເຂື່ອນໄຟຟ້ານໍ້າໄຜ່ເປັນຕົ້ນ. ດັ່ງນັ້ນຈຶ່ງເຮັດໃຫ້ບໍລິເວນອ່າງນໍ້າງື່ມ ມີປະລິມານນໍ້າໄຫຼເຂົ້າອ່າງມີຈຳນວນເພີ່ມຂື້ນ.

ບັນດາການນຳກະຊວງ ແລະ ແຂວງວຽງຈັນ ປືກສາຫາລື ເລື່ອງລະດັບນໍ້າຂອງລ້ອງນໍ້າງື່ມ ໃນວັນທີ 26 ສິງຫາ 2018, ທ່ານ ຈັນສອນ ແສນບຸດຕະລາດ, ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ພ້ອມດ້ວຍຄະນະ,  ທ່ານ ບຸນອູ້ມ ສີວັນເພັງ, ຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ, ທ່ານ ນາງ ລັດຕະນາ ປະທຸມວັນ, ຜູ້ອຳນວຍການໃຫຍ່ ບໍລິສັດ ຜະລິດ-ໄຟຟ້າລາວ ມະຫາຊົນ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມປຶກສາຫາລື

ເຂື່ອນໄຟຟ້ານ້ຳສະນາສະໜັບສະໜູນດ້ານການສຶກສາແກ່ເມືອງກາສີ, ແຂວງວຽງຈັນ ໃນວັນທີ 14 ສິງຫາ 2018 ນີ້, ຢູ່ທີ່ໂຮງຮຽນປະຖົມສົມບູນວຽງແກ້ວ, ບ້ານວຽງແກ້ວ ເມືອງກາສີ ແຂວງວຽງຈັນ ໄດ້ຈັດພິທີມອບຮັບອຸປະກອນການສຶກສາໃຫ້ແກ່ ໂຮງຮຽນ 5 ແຫ່ງ ຄື: ໂຮງຮຽນປະຖົມສົມບູນວຽງແກ້ວ, ໂຮງຮຽນປະຖົມສົມບູນບ້ານນາແທ່ນ, ໂຮງຮຽນປະຖົມສົມບູນໂພນງາມ,  ໂຮງຮຽນປະຖົມບ້ານລ້ອງໝາກຄາຍ, ໂຮງຮຽນປະຖົມບ້ານນ້ຳຟົດ ແລະ ນາສັງທອງ. ອຸປະກອນດັ່ງກ່າວລວມມີ: ຕິດຕັ້ງຖັງເກັບນໍ້າ, ໂຕະ-ຕັ່ງ (ນັກຮຽນ ແລະ ຄູ-ອາຈານ), ຕູ້ໃສ່ເອກະສານ, ອຸປະກອນກິລາ, ເຄື່ອງພີມເອກະສານ, ອຸປະກອນແຕ່ງກິນຈຳນວນໜື່ງ ແລະ ສົມທົບທຶນສ້າງຫ້ອງການບ້ານ ບ້ານລ້ອງໝາກຄາຍ ລວມມູນຄ່າທັງໝົດ 27.450.000 ກີບ

ການນຳ ຜ-ຟຟລ ຮ່ວມກັບຫຼາຍພາກສ່ວນ ເພື່ອນຳເອົາວັດຖຸປັດໃຈ ໄປມອບໃຫ້ກັບ ພີ່ນ້ອງ ແຂວງ ອັດຕະປື ເພື່ອເປັນການບັນເທົາຄວາມທຸກ ໃຫ້ແກ່ຜູ້ປະສົບອຸທົກກະໄພ ໃນເບື້ອງຕົ້ນ ໃນວັນທີ 28 ກໍລະກົດ 2018 ບໍລິສັດ ຜະລິດ-ໄຟຟ້າລາວ ມະຫາຊົນ ໄດ້ຮ່ວມຂະບວນກັບ ລັດວິສາຫະກິດໄຟຟ້າລາວ, ການໄຟຟ້າສ່ວນພູມີພາກ ແຫ່ງປະເທດໄທ ແລະ ການໄຟຟ້າຝ່າຍຜະລິດແຫ່ງປະເທດໄທ ໄດ້ເດີນທາງໄປທີ່ແຂວງອັດຕະປື ເພື່ອນຳເອົາເຄື່ອງອຸປະໂພກ, ບໍລິໂພກ, ຢາປົວພະຍາດ, ອຸປະກອນຊູຊີບ ແລະ ປັດໄຈ ຈຳນວນຫນຶ່ງ ໄປມອບທີ່ຫ້ອງວ່າການປົກຄອງແຂວງອັດຕະປື ເພື່ອປະກອບສ່ວນແບ່ງປັນນ້ຳໃຈຊ່ວຍເຫຼືອໃຫ້ແກ່ຜູ້ປະສົບອຸທົກກະໄພ ທີ່ແຂວງອັດຕະປື.

ເຂື່ອນໄຟຟ້າ ຜ-ຟຟລ ປ່ອຍປາ ເນື່ອງໃນ ວັນປ່ອຍປາ ແລະ ອະນຸລັກສັດນໍ້າ-ສັດປາ ແຫ່ງຊາດ ເນື່ອງໃນວັນປ່ອຍປາ ແລະ ອະນຸລັກສັດນໍ້າ-ສັດປາ ແຫ່ງຊາດ ວັນທີ 13 ກໍລະກົດ ບັນດາເຂື່ອນໄຟຟ້າຕ່າງໆທີ່ຂຶ້ນກັບ ຜ-ຟຟລ ໄດ້ເອົາໃຈໃສ່ຕໍ່ກັບການສົ່ງເສີມ, ຮັກສາຊິວະນາໆພັນ, ຄືນຄວາມອຸດົມສົມບູນໃຫ້ກັບແຫຼ່ງນໍ້າ ໃຫ້ມີຄວາມຍືນຍົງດັ່ງນັ້ນຈິ່ງໄດ້ຈັດກິດຈະກຳ ປ່ອຍປາ ຂຶ້ນໃນແຕ່ລະເຂື່ອນເຊິ່ງໃນນັ້ນມີ.

ພະນັກງານ ຂອງ ຜ-ຟຟລ ຮ່ວມຊ່ວຍເຫຼືອຄອບຄົວທີ່ຖືກເຄາະຮ້າຍ ຈາກເຫດໄຟໃໝ້ ທີ່ ບ້ານ ສັນແຟນ ໃນວັນທີ 10 ມິຖຸນາ 2018, ພະນັກງານ 3 ອົງການຈັດຕັ້ງມະຫາຊົນ ຂອງ ບໍລິສັດ ຜະລິດ-ໄຟຟ້າ ລາວ ມະຫາຊົນ ຫຼື ຜ-ຟຟລ ໄດ້ຮ່ວມໃຈກັນສົມທົບທຶນ ຈຳນວນ 20 ກວ່າລ້ານກີບ ພ້ອມດ້ວຍສິ່ງຂອງຈຳນວນໜຶ່ງ ລວມມີ ເຄື່ອງນຸ່ງຫົ່ມ ແລະ ເຄື່ອງອຸປະໂພກບໍລິໂພກ ໃຫ້ແກ່ຄອບຄົວທີ່ເຄາະຮ້າຍ ຈາກເຫດໄຟໃໝ້ ທີ່ ບ້ານສັນແຟນ, ເມືອງຄໍາ, ແຂວງຊຽງຂວາງ.