ໃນວັນທີ 05 ສິງຫາ 2026, ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຈັດກອງປະຊຸມສະຫຼຸບຜົນການຈັດຕັ້ງປະຕິບັດວຽກງານ 06 ເດືອນຕົ້ນປີ 2026 ຂຶ້ນຢ່າງເປັນທາງການ ຢູ່ທີ່ຫ້ອງປະຊຸມໃຫຍ່ ຊັ້ນ 01 ລັດວິສາຫະກິດໄຟຟ້າລາວ ແລະ ຜ່ານລະບົບກອງປະຊຸມທາງໄກ (Video Conference).
ເພື່ອຮັບປະກັນໃຫ້ໄດ້ມີການບໍລິຫານຈັດການນໍ້າທີ່ມີປະສິດທິພາບສູງສຸດ ບໍລິສັດ ຜະລິດ-ໄຟຟ້າລາວ ມະຫາຊົນ (EDL-Gen) ໄດ້ການບໍລິຫານຈັດການນ້ຳ ເພື່ອຮັກສາຄວາມສົມດູນຂອງເຂື່ອນໄຟຟ້ານ້ຳຄານ 2 ແລະ ນໍ້າຄານ 3 ໃນຊ່ວງລະດູຝົນ. ເພື່ອເປັນການບໍລິຫານຈັດການນ້ຳໃຫ້ມີປະສິດທິພາບ, ປອດໄພ ແລະ ສອດຄ່ອງກັບປະລິມານນ້ຳ ໃນປັດຈຸບັນ, ທາງໂຄງການໄດ້ດຳເນີນການລະບາຍນ້ຳຜ່ານປະຕູລະບາຍນ້ຳ (Spillway) ໃນລະດັບທີ່ເໝາະ ສົມ ແລະ ສາມາດຄວບຄຸມໄດ້ ເຊິ່ງເປັນພຽງການປະຕິບັດງານຕາມມາດຕະຖານເຕັກນິກປົກກະຕິ. ລາຍລະອຽດມີດັ່ງນີ້:
ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ຍັງຄົງຢຶດໝັ້ນໃນຫຼັກການດຳເນີນທຸລະກິດ ທີ່ເຕີບໃຫຍ່ຄຽງຄູ່ກັບການພັດທະນາສັງຄົມ ແລະ ຊຸມຊົນຢ່າງຍືນຍົງ. ດ້ວຍຄວາມມຸ່ງໝັ້ນໃນການຊຸກຍູ້ ແລະ ສົ່ງເສີມວຽກງານການສຶກສາໃຫ້ແກ່ເຍົາວະຊົນໃນເຂດຫ່າງໄກ, ຜ-ຟຟລ ໄດ້ຈັດກິດຈະກຳອາສາສະໝັກ ເພື່ອລົງພື້ນທີ່ສ້ອມແປງອາຄານໂຮງຮຽນ ໃຫ້ແກ່ນ້ອງໆນັກຮຽນຢູ່ບ້ານວັງເຮືອ ແລະ ບ້ານປ່າແປກ ເຊິ່ງເປັນບ້ານທີ່ຕັ້ງຢູ່ເທິງ ປ່າສະຫງວນແຫ່ງຊາດ ພູເຂົາຄວາຍ ເມືອງ ທຸລະຄົມ ແຂວງ ວຽງຈັນ ແລະ ເປັນບ້ານທີ່ຕັ້ງຢູ່ເຂດອ້ອມຂ້າງເຂື່ອນໄຟຟ້ານໍ້າມັງ 3.
ເພື່ອຮັບປະກັນການດຳເນີນທຸລະກິດຜະລິດພະລັງງານໄຟຟ້າໃຫ້ມີຄວາມຍືນຍົງ ແລະ ເປັນມິດກັບສິ່ງແວດລ້ອມ, ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ສຸມໃສ່ການຈັດຕັ້ງປະຕິບັດແຜນຄຸ້ມຄອງ ແລະ ຕິດຕາມກວດກາວຽກງານສິ່ງແວດລ້ອມ ຢ່າງຕໍ່ເນື່ອງ.
ໃນວັນທີ 8-12 ມິຖຸນາ 2026 ທີ່ ຕຶກສູນຝຶກໄຟຟ້າລາວ, ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຈັດການຝຶກອົບຮົມໃນຫົວຂໍ້ “ການນຳໃຊ້ Software HEC-ResSim ເຂົ້າໃນການບໍລິຫານຈັດການນ້ຳນອງ ຂອງເຂື່ອນ ຜ-ຟຟລ” ໂດຍມີ ທ່ານ ສີລິພົມ ແສງອ່ອນແກ້ວ, ຮອງຜູ້ອຳນວຍການໃຫຍ່ ສາຍງານຜະລິດ ຜ-ຟຟລ ເປັນປະທານໃນພິທີເປີດ, ມີຜູ້ເຂົ້າຮ່ວມຈາກເຂື່ອນທີ່ມີອ່າງເກັບນ້ຳຈຳນວນ 2 ທ່ານ ຕໍ່ເຂື່ອນ ແລະ ພະແນກ GHC, Dam Safety ຈຳນວນ 8 ທ່ານ, ຕາງໜ້າສະຖາບັນ ລັດວິສາຫະກິດໄຟຟ້າລາວ
ໃນວັນທີ 28 ພຶດສະພາ 2026 ທີ່ ເຂື່ອນໄຟຟ້າເຊເສັດ 1-2 ເມືອງ ເລົ່າງາມ, ແຂວງສາລະວັນ, ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຈັດກິດຈະກຳ “ປູກຕົ້ນໄມ້ ແລະ ປ່ອຍປາ ປະຈຳປີ 2026” ເນື່ອງໃນໂອກາດສະເຫຼີມສະຫຼອງ ວັນເດັກນ້ອຍສາກົນ ຄົບຮອບ 102 ປີ ແລະ ວັນປູກຕົ້ນໄມ້ແຫ່ງຊາດ ຄົບຮອບ 46 ປີ ທີ່ຈະມາເຖິງໃນວັນທີ 1 ມິຖຸນາ 2026.
ບໍລິສັດ ຜະລິດ-ໄຟຟ້າລາວ ມະຫາຊົນ “ຜ-ຟຟລ” ເຂົ້າຮ່ວມງານສໍາມະນາ “ບໍລິສັດຈົດທະບຽນພົບປະຜູ້ລົງທຶນ” ປະຈໍາປີ 2026 ເພື່ອນໍາສະເໜີຜົນການດຳເນີນງານປະຈຳປີ 2025 ແລະ ທິດທາງໃນປີ 2026 ເຊິ່ງໄດ້ຈັດຂຶ້ນ ໃນວັນທີ 21 ພຶດສະພາ 2026 ທີ່ ສໍານັກງານໃຫຍ່ ຕະຫລາດຫລັກຊັບລາວ (Lao Securities Exchange) ເຊິ່ງນໍາໂດຍ ທ່ານ ສຸກສະຫວາດ ໂສສຸພັນ ຜູ້ອໍານວຍການໃຫ່ຍ ຜ-ຟຟລ ພ້ອມດ້ວຍຄະນະຜູ້ບໍລິຫານ ໄດ້ເຂົ້າຮ່ວມການນໍາສະເໜີຜົນການດໍາເນີນທຸລະກິດໃນງານຄັ້ງນີ້.
ໃນວັນທີ 19-20 ພຶດສະພາ 2026 ທີ່ ຕຶກສະຖາບັນ ລັດວິສາຫະກິດໄຟຟ້າລາວ, ບໍລິສັດ ຜະລິດ-ໄຟຟ້າລາວ ມະຫາຊົນ ຫຼື ຜ-ຟຟລ ໄດ້ຈັດການຝຶກອົບຮົມພາຍໃນ ພາຍໃຕ້ຫົວຂໍ້ “ການເປັນພິທີກອນມືອາຊີບ” ເພື່ອເສີມສ້າງຄວາມຮູ້, ທັກສະ ແລະ ສັກກະຍະພາບດ້ານການສື່ສານ ແລະ ວຽກງານປະຊາສຳພັນຢ່າງມືອາຊີບ, ສຳລັບການຝຶກໃນຄັ້ງນີ້ໄດ້ຮັບກຽດຈາກ ທ່ານ ສັງຂານ ຈູມຄຳພັນ ອະດີດຮອງຜູ້ອໍານວຍການໃຫຍ່ ວິທະຍຸກະຈາຍສຽງແຫ່ງຊາດລາວ ແລະ ທ່ານ ນາງ ສຸນິຕ້າ ພິມມະສອນ ນັກຂຽນ ແລະ ຄູຝຶກພິທີກອນ ຈາກກະຊວງວັດທະນະທຳ ແລະ ການທ່ອງທ່ຽວ ເຂົ້າຮ່ວມເປັນວິທະຍາກອນຝຶກໃຫ້ແກ່ພະນັກງານຂອງ ຜ-ຟຟລ.
ວັນທີ 18 ພຶດສະພາ 2026, EDL-Generation Public Company ຫຼື ຜ-ຟຟລ ໄດ້ນຳຄະນະຜູ້ແທນຂອງບໍລິສັດ ເຂົ້າຮ່ວມການປຶກສາຫາລື ແລະ ສ້າງຄວາມເຂົ້າໃຈຮ່ວມກັນ ກັບ ສະພາປະຊາຊົນແຂວງຫຼວງພະບາງ, ພະແນກ ອຸດສາຫະກຳ ແລະ ການຄ້າແຂວງຫຼວງພະບາງ ພ້ອມດ້ວຍບັນດາຂະແໜງການທີ່ກ່ຽວຂ້ອງ ກ່ຽວກັບການບໍລິຫານຈັດການນໍ້າ, ສິ່ງແວດລ້ອມ ແລະ ສັງຄົມ ຂອງໂຄງການໄຟຟ້ານໍ້າຄານ 2-3.
ວັນທີ 06 ພຶດສະພາ 2026 ທີ່ຕຶກສະຖາບັນໄຟຟ້າລາວ, ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຈັດການຝຶກອົບຮົມ ຫົວຂໍ້ “ກວດກາພັກ – ກວດກາລັດ ແລະ ວຽກງານສະກັດກັ້ນ ແລະ ຕ້ານການສໍ້ລາດບັງຫຼວງ” ໂດຍໄດ້ຮັບກຽດຈາກ ທ່ານ ພຸດທະວັນ ນັນທະວົງ ກຳມະການປະຈຳພັກ, ປະທານຄະນະກວດກາພັກກະຊວງ ແລະ ຫົວໜ້າກົມກວດກາ ກະຊວງອຸດສາຫະກໍາ ແລະ ການຄ້າ ເຂົ້າຮ່ວມເປັນປະທານໃນພິທີເປີດ.