ໃນວັນທີ 14 ກຸມພາ 2026 ທີ່ແຂວງໄຊຍະບູລີ, ຕາງໜ້າບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ທ່ານ ອິນປັນ ບໍລິຫານ, ຮັກສາການຜູ້ອຳນວຍການຝ່າຍບໍລິຫານ ໄດ້ເຂົ້າຮ່ວມງານມະຫະກຳບຸນຊ້າງແຂວງໄຊຍະບູລີ ປະຈຳປີ 2026 ແລະ ໄດ້ມອບເງີນສະໜັບສະໜູນຈຳນວນ 10 ລ້ານກີບ ເພື່ອເປັນການເສີມຂະຫຍາຍມູນເຊື້ອວັດທະນະທຳ ແລະ ສະໜັບສະໜູນການທ່ອງທ່ຽວສີຂຽວປອດໄພ ຕາມນະໂຍບາຍຂອງລັດຖະບານ.

ໃນຖານະເເປັນໜຶ່ງໃນບໍລິສັດ ຊັ້ນນໍາພະລັງງານຊັ້ນນຳຂອງປະເທດ, ຜ-ຟຟລ ຮັບຮູ້ເຖິງ ການປົກປັກຮັກສາມໍລະດົກວັດທະນະທຳ ແລະ ສິ່ງແວດລ້ອມຄຽງຄູ່ກັບການພັດທະນາເສດຖະກິດ. ງານບຸນຊ້າງແຂວງໄຊຍະບູລີບໍ່ພຽງແຕ່ເປັນການສືບສານປະເພນີອັນລ້ຳຄ່າຂອງດິນແດນລ້ານຊ້າງເທົ່ານັ້ນ, ແຕ່ຍັງເປັນການສະແດງເຖິງການຮ່ວມມືລະຫວ່າງການທ່ອງທ່ຽວຍືນຍົງ ແລະ ພະລັງງານສະອາດ

ການສະໜັບສະໜູນຄັ້ງນີ້ສະທ້ອນເຖິງຄວາມມຸ່ງໝັ້ນຂອງ ຜ-ຟຟລ ໃນການປະກອບສ່ວນຕໍ່ການພັດທະນາສັງຄົມ (CSR) ແລະ ການເສີມສ້າງຊຸມຊົນທ້ອງຖິ່ນ. ພວກເຮົາເຊື່ອວ່າ ການສ້າງພະລັງງານທີ່ຍືນຍົງນັ້ນ ຕ້ອງຄຽງຄູ່ກັບການອະນຸລັກມໍລະດົກທາງວັດທະນະທຳ ແລະ ທຳມະຊາດ ເພື່ອໃຫ້ລຸ້ນຫຼັງໄດ້ສືບທອດຕໍ່ໄປ.

ຂໍ້ມູນເພີ່ມຕື່ມ:

ມະຫະກໍາບຸນຊ້າງແຂວງ ແຂວງໄຊຍະບູລີ ປະຈໍາປີ 2026

ວັດຖຸປະສົງ (Purpose)

1. ເພື່ອເສີມຂະຫຍາຍຮີດຄອງປະເພນີ

ເປັນການສືບສານ ແລະ ເສີມຂະຫຍາຍມູນເຊື້ອຮີດຄອງປະເພນີຂອງປະຊາຊົນລາວບັນດາເຜົ່າ ທີ່ມີວິຖີຊີວິດຜູກພັນກັບຊ້າງມາແຕ່ດຶກດຳບັນ ອັນເປັນອັດຕະລັກຂອງດິນແດນລ້ານຊ້າງ.

2. ເພື່ອຍົກລະດັບການຮັບຮູ້ ແລະ ການອະນຸລັກ

ໃຫ້ທຸກພາກສ່ວນໃນສັງຄົມໄດ້ຮັບຮູ້ເຖິງປະຫວັດຄວາມເປັນມາຂອງຊ້າງ ແລະ ຮ່ວມກັນປົກປັກຮັກສາຊ້າງໃຫ້ຢູ່ຄູ່ກັບແຂວງໄຊຍະບູລີຢ່າງຍືນຍົງຄົງຕົວ.

3. ເພື່ອສົ່ງເສີມການທ່ອງທ່ຽວ

ໂຄສະນາແຫຼ່ງທ່ອງທ່ຽວໃນແຂວງໄຊຍະບູລີ ແລະ ສປປ ລາວ ໃຫ້ນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາຢ້ຽມຢາມຫຼາຍຂຶ້ນ ສອດຄ່ອງກັບນະໂຍບາຍທ່ອງທ່ຽວສີຂຽວ.

4. ເພື່ອສ້າງບັນຍາກາດການເມືອງທີ່ດີ

ສ້າງຂະບວນການຮ່ວມມື ແລະ ບັນຍາກາດທີ່ຄືກຄື້ນ ເພື່ອກະກຽມສູ່ການເລືອກຕັ້ງ

o ສະມາຊິກສະພາແຫ່ງຊາດ ຊຸດທີ X

o ສະມາຊິກສະພາປະຊາຊົນແຂວງ ຊຸດທີ V

ໃນວັນທີ 22 ກຸມພາ 2026 ທີ່ຈະມາເຖິງ.

________________________________________

ຄໍາຂວັນປະຈໍາແຂວງ

“ໄຊຍະບູລີ ດິນແດນຍາວສຸດ

ຫຼາດ່ານໜ້າທີ່ແຂງແກ່ນ

ແດນພູເຂົາແຫ່ງຄໍາຂຽວ

ທ່ອງທ່ຽວເມືອງຊ້າງ

ເອກອ້າງໝໍ້ໄຟໃຫຍ່ເມືອງຫົງສາ

ໄຟຟ້າເຂື່ອນນໍ້າຂອງ

ສາມັກຄີປອງດອງເຜົ່າຫຼາຍສີສັນ

ພະລັງດັນສູ່ຄວາມມັ່ງຄັ່ງ ເຂັ້ມແຂງ”