ໃນວັນທີ 20 ສິງຫາ 2025, ທ່ານ ສີລິພົມ ແສງອ່ອນແກ້ວ ຮອງຜູ້ອຳນວຍການ​ໃຫຍ່ ສາຍງານຜະລິດ ຂອງ EDL-Gen ພ້ອມຄະນະ, ໄດ້ລົງຕິດຕາມ ແລະ ກວດກາການດໍາເນີນວຽກງານການຜະລິດໄຟຟ້າ ລວມທັງການຕິດຕາມລະດັບນໍ້າໃນອ່າງຂອງເຂື່ອນໄຟຟ້ານໍ້າງື່ມ-1.

ຈຸດປະສົງຂອງການຢ້ຽມຢາມຄັ້ງນີ້ແມ່ນເພື່ອ:

• ຕິດຕາມລະດັບນໍ້າ: ເພື່ອຮັບປະກັນປະສິດທິພາບຂອງການບໍລິຫານຈັດການນໍ້າຂອງເຂື່ອນໄຟຟ້ານໍ້າງື່ມ-1 ໂດຍສະເພາະເລັງເຫັນຄວາມປອດໄພຂອງປະຊາຊົນທີ່ອາໄສຢູ່ທ້າຍເຂື່ອນ.
• ຕິດຕາມ ແລະ ກວດກາການຜະລິດໄຟຟ້າ: ເພື່ອໃຫ້ການຜະລິດມີປະສິດທິພາບສູງສຸດ ໃນການສະໜອງພະລັງງານໄຟຟ້າໃຫ້ທັງພາຍໃນ ປະເທດ ແລະ ສົ່ງອອກ.

EDL-Gen ຍັງຄົງມຸ່ງໝັ້ນໃນການບໍລິຫານຈັດການນໍ້າ ແລະ ການຜະລິດພະລັງງານໄຟຟ້າຢ່າງປອດໄພ ແລະ ໝັ້ນຄົງ ທັງດ້ານພະລັງງານ ແລະ ສິ່ງແວດລ້ອມ.