ການຝຶກອົບຮົມດັ່ງກ່າວ ແມ່ນເປັນການຝຶກອົບຮົມ ພາຍໃຕ້ມາດຕະການປ້ອງກັນການແຜ່ລະບາດພະຍາດ COVID-19 ໂດຍຜ່ານລະບົບ Online ແລະ ໄດ້ແບ່ງອອກເປັນ 2 ຊຸດ ລວມທັງໝົດ 6 ວັນ ແລະ ມີນັກສຳມະນາກອນເຂົ້າຮ່ວມທັງໝົດ ຈໍານວນ 34 ທ່ານ ໂດຍມີ ອາຈານ ທອງດີ ພົມມະວົງສາ ຜູ້ອໍານວຍການ ສູນຝຶກທັກສະ TAKSA Training Center ໃຫ້ກຽດເປັນວິທະຍາກອນ ຂອງການຝຶກອົບຮົມໃນຄັ້ງນີ້.

ຈຸດປະສົງຂອງການຝຶກອົບຮົມດັ່ງກ່າວ ກໍ່ເພື່ອເປັນການພັດທະນາພະນັກງານ ໃຫ້ບັນດາພະນັກງານຂັ້ນນຳພາໃນ ສຳນັກງານໃຫຍ່ ໄດ້ເພີ່ມທັກສະຂອງການເປັນຜູ້ນໍາຍຸກໃໝ່ ເຂົ້າໃຈຄວາມໝາຍ ແລະ ພາວະຂອງການເປັນຜູ້ນໍາໃນຍຸກ 4.0

ພ້ອມດຽວກັນນັ້ນ ກໍ່ເປັນການເປີດໂອກາດໃຫ້ມີການແລກປ່ຽນ ຖອດຖອນບົດຮຽນ ແລະ ປະສົບການໃນການເຮັດວຽກຮ່ວມກັນ ແລະ ນຳມາປັບປຸງນໍາໃຊ້ໃນອົງກອນໃຫ້ມີປະສິດທິພາບເພີ່ມຂຶ້ນໃນອານາຄົດ.