ເຂື່ອນໄຟຟ້ານໍ້າງື່ມ-1 ເດີນເຄື່ອງຜະລິດ ໄຟຟ້າ ປົກກະຕິ
ເຂື່ອນໄຟຟ້ານໍ້າງື່ມ-1 ເດີນເຄື່ອງຜະລິດ ໄຟຟ້າ ປົກກະຕິ ລະດັບນ້ຳ ໃນວັນທີ 28 ຕຸລາ 2019 ຢູ່ທີ່ 206,50 ເມັດ ທຽບໃສ່ລະດັບໜ້ານ້ຳທະເລ ບໍລິມາດນ້ຳໃນອ່າງ ປະມານ 5,216 ລ້ານແມັດກ້ອນ ຫຼື ສົມທຽບເປັນ 73,40 ສ່ວນຮ້ອຍ ຂອງບໍລິມາດນ້ຳທີ່ອ່າງນ້ຳງື່ມ -1 ສາມາດບັນຈຸໄດ້. ເຂື່ອນໄຟຟ້ານ້ຳງື່ມ-1 ເດີນເຄື່ອງ ຜະລິດໄຟຟ້າ 1 ເຄື່ອງ ຈາກທັງໝົດ 6 ເຄື່ອງຈັກ. ປະລິມານນ້ຳໄຫຼລົງສູ່ ສາຍນ້ຳງື່ມ ແມ່ນ 47 ແມັດກ້ອນ ຕໍ່ວິນາທີ, ການຜະລິດໄຟຟ້າຂອງເຂື່ອນແມ່ນອີງຕາມສະພາບນ້ຳທີ່ຢູ່ໃນອ່າງນ້ຳງື່ມ ເຊິ່ງ ປີນີ້ຖືວ່າ ມີປະລິມານທີ່ ໜ້ອຍຫຼາຍ ເນື່ອງຈາກສະພາບໄພແຫ້ງແລ້ງ.