ບໍລິສັດ ຜະລິດ-ໄຟຟ້າລາວ ມະຫາຊົນ ຮ່ວມກັບ ບໍລິສັດ Gulf Energy Development Public Company Limited ໄດ້ມອບອຸປະກອນການແພດ ແລະ ເຄື່ອງໃຊ້ຈໍາເປັນໃຫ້ໂຮງໝໍມະໂຫສົດ

ໃນວັນທີ 15 ສິງຫາ 2019, ບໍລິສັດ ຜະລິດ-ໄຟຟ້າລາວ ມະຫາຊົນ ຫຼື ຜ-ຟຟລ ຮ່ວມກັບ ບໍລິສັດ Gulf Energy Development Public Company Limited ຫຼື GED,​ ເຊິ່ງເປັນໜື່ງໃນບໍລິສັດທີ່ເຂົ້າຖືຮຸ້ນໃນ ຜ-ຟຟລ ທີ່ມີລາຍຊື່ໃນ10 ອັນດັບຂອງຜູ້ຖືຮຸ້ນລາຍໃຫຍ່, ໄດ້ມອບອຸປະກອນການແພດ ແລະ ເຄື່ອງໃຊ້ຈໍາເປັນເພື່ອປະກອບສ່ວນໃນຂະບວນການຊ່ວຍເຫຼືອຜູ້ທີ່ຕິດພະຍາດໄຂ້ຍຸງລາຍ

ທີ່ມາຮັບການບໍລິການທີ່ໂຮງໝໍມະໂຫສົດ ແລະ ທັງເປັນສ່ວນໜື່ງໃນການຕ້ານພະຍາດໄຂ້ຍຸງລາຍທີ່ພວມລະບາດໃນປະຈຸບັນ ລວມມູນຄາທັງໝົດ 22.925.000 ກີບ. ທ່ານ ນາງ ລັດຕະນາ ປະທຸມວັນ, ຜູ້ອໍານວຍການໃຫຍ່ ຜ-ຟຟລ, ແລະ ທ່ານ ທະນົນ ຕັນຕິສູນທອນ, ຜູ້ບໍລິຫານຝ່າຍປະຕິບັດການ, GED, ກໍຕາງໜ້າໃຫ້ກຽດມອບອຸປະກອນ ແລະ ເຄື່ອງໃຊ້ຕ່າງໆ​ເຊິ່ງຕາງໜ້າຮັບໂດຍທ່ານດຣພິສິດພຸດສະຫວັດ, ຜູ້ອໍານວຍການໂຮງໝໍມະໂຫສົດ.