ຜ-ຟຟລ ຈັດພິທີ ປູກຕົ້ນໄມ້
ຜ-ຟຟລ ຈັດພິທີ ປູກຕົ້ນໄມ້ ບໍລິສັດ ຜະລິດ-ໄຟຟ້າລາວ ມະຫາຊົນ (ຜ–ຟຟລ) ໄດ້ຈັດພິທີ ປູກຕົ້ນໄມ້ ແລະ ປ່ອຍປາ ທີ່ບໍລິເວນເຂື່ອນ ໄຟຟ້າ ນ້ຳມັງ 3, ເມືອງ ທຸລະຄົມ, ແຂວງ ວຽງຈັນ ໃນວັນທີ 31 ພຶດສະພາ 2019ເນື່ອງໃນໂອກາດ ວັນປູກຕົ້ນໄມ້ແຫ່ງຊາດ ວັນທີ 01ມິຖຸນາ ປະຈໍາປີ 2019. ໃນພິທີດັ່ງກ່າວ ໄດ້ມີການປູກຕົ້ນໄມ້ ຈຳນວນ 650 ກວ່າ ຕົ້ນແລະ ພັນປາພື້ນເມືອງ ຈຳນວນ 20,000 ກວ່າໂຕເພື່ອປ່ອຍລົງສູ່ ເຂດວັງສະຫງວນຫຼັງໂຮງຈັກຂອງເຂື່ອນໄຟຟ້ານໍ້າມັງ 3 ແຫ່ງນີ້ ເພື່ອເປັນການສົ່ງເສີມຊີວະນາໆພັນ ແລະ ສິ່ງແວດລ້ອມໃຫ້ມີຄວາມສົມດູນແລະ ທັງເປັນການສ້າງທັດສະນີຍະພາບທີ່ສວຍສົດງົດງາມ.