ໃນວັນທີ 24 ພຶດສະພາ 2019 ທີ່ຫ້ອງປະຊຸມໃຫຍ່ ລັດວິສາຫະກິດ ໄຟຟ້າລາວ ໄດ້ຈັດງານ ສໍາມະນາວິຊາການ Lao hydro power Development 2019 ຂອງໂຄງການຮ່ວມມືດ້ານເຕັກນິກ-ວິຊາການເຂື່ອນໄຟຟ້າພະລັງງານນໍ້າ ລະຫວ່າງ ລັດວິສາຫະກິດ ໄຟຟ້າລາວ(ຟຟລ) ແລະ ການໄຟຟ້າຝ່າຍຜະລິດ ແຫ່ງປະເທດໄທ (ກຟຜ)

ຈຸດປະສົງແມ່ນເພື່ອແລກປ່ຽນຄວາມຮູ້ ແລະ ປະສົບການ  ຂອງ ນັກສຶກສາທີ່ໄດ້ຈົບຈາກ ມະຫາວິທະຍາໄລຊຽງໄຫມ່ ໂດຍການນຳສະເຫນີບົດຮຽນທີ່ໄດ້ຜ່ານການວິໄຈ ເຊັ່ນຜົນງານວິໄຈກຸ່ມ Energy Engineering-Water Management ແລະ ຜົນງານວິໄຈກຸ່ມ Power System, ໃນງານສຳມະນາດັ່ງກ່າວໃຫ້ກຽດເປັນປະທານກ່າວເປີດງານໂດຍ ທ່ານ ບຸນອູ້ມ ສີວັນເພັງ ຜູ້ອຳນວຍການໃຫຍ່ ລັດວິສາຫະກິດ ໄຟຟ້າລາວ ແລະ ໃຫ້ກຽດເຂົ້າຮ່ວມໂດຍແຂກກິດຕິມະສັກ ຈາກ ລັດວິສາຫະກິດໄຟຟ້າລາວ, ມະຫາວິທະຍາໄລຊຽງໃຫມ່, ການໄຟຟ້າຝ່າຍຜະລິດ ແຫ່ງປະເທດໄທ ແລະ ບໍລິສັດ ຜະລິດ-ໄຟຟ້າລາວ ມະຫາຊົນ