ຜ-ຟຟລ ຮ່ວມມອບເງີນອຸດໜູນແກ່ຄອບຄົວຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມ

ເພື່ອເປັນການປະກອບສ່ວນບັນເທົາທຸກຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມທີ່ເມືອງສະໜາມໄຊ ແຂວງອັດຕະປື, ໃນວັນທີ 03 ທັນວາ 2018,ຄະນະຜູ້ອຳນວຍການໃຫຍ່ ແລະ ຕົວແທນ 3 ອົງການຈັດຕັ້ງມະຫາຊົນ ບໍລິສັດ ຜະລິດ-ໄຟຟ້າລາວ ມະຫາຊົນ ໄດ້ຮ່ວມກັບ ຄະນະຄອບຄົວການນຳ ຊຶ່ງນຳໂດຍ ຄອບຄົວ ທ່ານ ນາງ ນາລີ ສີສຸລິດ, ພັນລະຍາ ທ່ານ ນາຍົກລັດຖະມົນຕີແຫ່ງ ສປປ ລາວ,

ຄອບຄົວການນຳຊວງພະລັງງານ ແລະ ບໍ່ແຮ່, ຄອບຄົວນັກການທູດກະຊວງການຕ່າງປະເທດ, ສະມາຄົມນັກທຸລະກິດຍິງນະຄອນປາກເຊ ແຂວງຈຳປາສັກ, ຄອບຄົວ ທ່ານ ວຽງສະຫັວນ ສີພັນດອນ, ຄອບຄົວ ສຸຍາວົງ, ຄອບຄົວ ທ່ານ ສົມມາດ ພົນເສນາ, ນາຍພົນ ວົງສັກ, ທ່ານ ປ້າ ບົວໄລ ຈິດມະນີ, ທ່ານ ນາງ ວັນນາລີ ໄຊຍະແສງ, ຄອບຄົວ ດາວເພັດ ວົງນະຄອນ + ທ່ານ ຕ້ອມ ອິນແປງ, ທ່ານ ນາງ ນ້ອຍ ຄອນສະຫວັນ ແລະ ຄອບຄົວ ທ່ານ ສອນເພັດ ເມືອງວົງ ໄດ້ມອບເງີນ ອຸດໜູນ ແລະ ເຄື່ອງໃຊ້ຈໍານວນໜຶ່ງໃຫ້ກັບຄອບຄົວທີ່ໄດ້ຮັບຜົນກະທົບຈາກໄພນໍ້າຖ້ວມຈຳນວນ 1.120 ຄອບຄົວ ລວມເປັນເງິນ 280.000.000 ລ້ານກີບ ໃນນັ້ນຈຳນວນ 60.119.000 ກີບ ແມ່ນເງີນທີ່ບັນດາພະນັກງານ ຜ-ຟຟລ ເປັນຜູ້ຮ່ວມບໍລິຈາກ ຮ່ວມກັບພາສ່ວນຕ່າງໆສຳລັບການມອບໃນຄັ້ງນີ້.