ແຈ້ງການ: ເຖິງ: ບັນດາທ່ານ ຮັບຊາບກ່ຽວກັບການປິດປະຕູນໍ້າລົ້ນຂອງ ເຂື່ອນໄຟຟ້ານໍ້າງື່ມ 1.

ບໍລິສັດ ຜະລິດ-ໄຟຟ້າລາວ ມະຫາຊົນ ຂໍຖືເປັນກຽດແຈ້ງມາຍັງບັນດາທ່ານຮັບຊາບວ່າ: ພາຍຫຼັງທີເຂື່ອນໄຟຟ້ານໍ້າງື່ມ 1 ໄດ້ເປີດປະຕູນໍ້າລົ້ນ ແຕ່ວັນທີ 12 ສີງຫາ 2018. ມາເຖິງປະຈຸບັນນີ້ເຂື່ອນໄຟຟ້ານໍ້າງຶ່ມ 1 ໄດ້ປິດປະຕູນໍ້າລົ້ນຈາກ 30 ຊັງຕີແມັດ ເປັນ 0 ຊັງຕີແມັດ ຫຼຸດການລະບາຍນໍ້າຜ່ານປະຕູນໍ້າລົ້ນຈາກ 124.5 ແມັດກ້ອນ/ວິນາທີ ເປັນ 0 ຊຶ່ງເລີ່ມຈາກເວລາ 12:00ມ ໃນວັນທີ 6 ຕຸລາ 2018 ເປັນຕົ້ນໄປ ເພື່ອບໍລິຫານນໍ້າໃຫ້ມີປະສິດທິຜົນໃນຊ່ວງລະດູແລ້ງ.

ໃນເວລາ ເຂື່ອນໄຟຟ້ານໍ້າງຶ່ມ -1 ປິດປະຕູນໍ້າລົ້ນ ລະດັບ ນໍ້າໜ້າເຂື່ອນຢູ່ທີ່ 212.32 ແມັດ ທຽບໃສ່ລະດັບໜ້ານໍ້າທະເລ ຄາດວ່າຕອນທ່ຽງຂອງມື້ນີ້ລະດັບນໍ້າຈະຢູ່ທີ່  212.30 ທຽບໃສ່ລະດັບໜ້ານ້ຳທະເລ ຊຶ່ງແມ່ນລະດັບນໍ້າເຕັມອ່າງທີ່ເຂື່ອນດັ່ງກ່າວຖືກອອກແບບມາ.

ອ້າງອີງອື່ນໆ:

• ອີງຕາມ ໃບສະເໜີ ຂໍອະນຸມັດ ບໍລິຫານນໍ້າໃນອ່າງຂອງເຂື່ອນໄຟຟ້ານໍ້າງື່ມ-1 ໃນຊ່ວງເດືອນ ສີງຫາ – ເດືອນ ຕຸລາ 2018 ສະບັບເລກທີ: 1653/ຜ-ຟຟລ, ລົງວັນທີ 02 ສິງຫາ 2018.
• ອີງຕາມ ຂໍ້ຕົກລົງ ວ່າດ້ວຍການແຕ່ງຕັ້ງຄະນະກຳມະການບໍລິຫານຈັດການນໍ້າ ແລະ ການຄຸ້ມຄອງການຜະລິດ ຂອງເຂື່ອນໄຟຟ້າແຕ່ລະແຫ່ງ ສະບັບເລກທີ 1558/ຜ-ຟຟລ, ລົງວັນທີ 26 ມີຖຸນາ 2018.
• ອີງຕາມ ການລາຍງານຈາກຜູ້ອຳນວຍການເຂື່ອນນໍ້າງື່ມ 1 ຄັ້ງວັນທີ່ 6 ຕຸລາ 2018.

ທ່ານສາມາດດາວໂຫຼດຂໍ້ມູນເພີ່ມເຕີມໄດ້ຕາມລາຍລະອຽດລຸ່ມນີ້.