ເຂື່ອນໄຟຟ້າ ຜ-ຟຟລ ປ່ອຍປາ ເນື່ອງໃນ ວັນປ່ອຍປາ ແລະ ອະນຸລັກສັດນໍ້າ-ສັດປາ ແຫ່ງຊາດ

ເນື່ອງໃນວັນປ່ອຍປາ ແລະ ອະນຸລັກສັດນໍ້າ-ສັດປາ ແຫ່ງຊາດ ວັນທີ 13 ກໍລະກົດ ບັນດາເຂື່ອນໄຟຟ້າຕ່າງໆທີ່ຂຶ້ນກັບ ຜ-ຟຟລ ໄດ້ເອົາໃຈໃສ່ຕໍ່ກັບການສົ່ງເສີມ, ຮັກສາຊິວະນາໆພັນ, ຄືນຄວາມອຸດົມສົມບູນໃຫ້ກັບແຫຼ່ງນໍ້າ ໃຫ້ມີຄວາມຍືນຍົງດັ່ງນັ້ນຈິ່ງໄດ້ຈັດກິດຈະກຳ ປ່ອຍປາ ຂຶ້ນໃນແຕ່ລະເຂື່ອນເຊິ່ງໃນນັ້ນມີ.

ເຂື່ອນໄຟຟ້າເຊເສັດ3 ໄດ້ນຳພັນປາພື້ນເມືອງ ຈຳນວນ 10.000 ກວ່າໂຕ ປ່ອຍລົງສູ່ທ້າຍເຂື່ອນໄຟຟ້າເຊເສັດ3, ເຂື່ອນໄຟຟ້າຫ້ວຍລໍາພັນໃຫຍ່ ໄດ້ປ່ອຍປາ ຈໍານວນ 900 ກວ່າໂຕ ລົງໃນວັງສະຫງວນຂອງແຂວງເຊກອງ, ເຂື່ອນໄຟຟ້ານໍ້າຄານ2 ໄດ້ປ່ອຍປາ ຈໍານວນ 35.000 ໂຕ ລົງໃນເຂດອ່າງເກັບນໍ້າຂອງເຂື່ອນໄຟຟ້ານໍ້າຄານ2 ແລະ ນອກຈາກກິດຈະກຳດັ່ງກ່າວ, ເຂື່ອນໄຟຟ້ານໍ້າງື່ມ-1 ກໍ່ຍັງ ໄດ້ມອບພັນປາ ຈຳນວນ 14.000 ໂຕ ໃຫ້ກັບກອງບັນຊາການທະຫານເມືອງວຽງຄໍາ ແລະ ມອບໃຫ້ ບ້ານຂ້າມຊ້າງ ເມືອງ ແກ້ວອຸດົມ ແຂວງວຽງຈັນ ເພື່ອນໍາໄປປ່ອຍໃນວັນສຳຄັນດັ່ງກ່າວອີກດ້ວຍ.