ສື່ມວນຊົນ ຈາກປະເທດໄທ ຢ້ຽມຢາມ ຜ-ຟຟລ

ສື່ມວນຊົນ ຈາກປະເທດໄທ ໄດ້ເດີນທາງມາຢ້ຽມຢາມ ສຳນັກງານໃຫຍ່ ຂອງບໍລິສັດ ຜະລິດ ໄຟຟ້າລາວ ມະຫາຊົນ (ຜ-ຟຟລ) ໃນວັນທີ 25 ພຶດສະພາ 2018 ເພື່ອຮັບຟັງ ປະຫວັດ ຄວາມເປັນມາຂອງບໍລິສັດ, ແຜນການຂະຫຍາຍທຸລະກິດ ຂອງ ຜ-ຟຟລ.ໃຫ້ການຕ້ອນຮັບແຂກທີ່ມາຢ້ຽມຢາມ ແລະ ໂອ້ລົມໃນຄັ້ງນີ້ ໂດຍມີທ່ານ ນາງ ລັດຕະນາ ປະທຸມວັນ ຜູ້ອຳນວຍການໃຫຍ່ ຜ-ຟຟລ ແລະ ທ່ານ ດຮ ບຸນສະຫຼອງ ສຸດທິດາລາ ຮອງຜູ້ອຳນວຍການໃຫຍ່ ສາຍງານການເງີນ.

ພາຍຫຼັງທີ່ຮັບຟັງຂໍ້ມູນ ແລະ ສຶກສາກ່ຽວກັບ ການດຳເນີນທຸລະກິດຕ່າງໆ ແລ້ວ ວັນຕໍ່ມາ ຄະນະສື່ມວນຊົນ ກໍ່ໄດ້ ເດີນທາງໄປຢ້ຽມຢາມ ເຂື່່ອນ ໄຟຟ້າ ນ້ຳງື່ມ-1 ທີ່ເມືອງ ແກ້ວອຸດົມ ແຂວງວຽງຈັນ ແລະ ໄດ້ຮັບຟັງປະຫວັດຄວາມເປັນມາຂອງເຂື່ອນ ໄຟຟ້ານ້ຳງື່ມ-1 ໃນການຜະລິດ ພະລັງງານໄຟຟ້າ ນັບແຕ່ປີ 1968 ທີ່ໄດ້ເລີ່ມການສ້າງເຂື່ອນ ຈົນເຖິງປັດຈຸບັນ.