ກອງປະຊຸມສາມັນຜູ້ຖືຮຸ້ນ ປະຈຳປີ 2016

ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຈັດກອງປະຊຸມສາມັນຜູ້ຖືຮຸ້ນ ປະຈຳປີ 2016 ໃນວັນທີ 06 ເມສາ 2017 ທີ່ ຫ້ອງປະຊຸມໃຫຍ່ ສຳນັກງານໃຫຍ່ ລັດວິສາຫະກິດ ໄຟຟ້າລາວ ທີ່ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ບຸນອຸ້ມ ສີວັນເພັງ, ຜູ້ອຳນວຍການໃຫຍ່ ຟຟລ, ຮອງສະພາບໍລິຫານ ຜ-ຟຟລ. ເຂົ້າຮ່ວມໃນກອງປະຊຸມດັ່ງກ່າວມີ ທ່ານ ນາງ ລັດຕະນາ ປະທຸມວັນ, ຜູ້ອຳນວຍການໃຫຍ່ ຜ-ຟຟລ, ພ້ອມດ້ວຍ ຄະນະສະພາບໍລິຫານຂອງ ຜ-ຟຟລ, ບັນດາຜູ້ຖືຮຸ້ນ ແລະ ແຂກທີ່ຖືກເຊີນ.ຈຸດປະສົງສຳຄັນຕົ້ນຕໍໃນກອງປະຊຸມຄັ້ງນີ້ ແມ່ນເພື່ອລາຍງານຄືນ ຜົນການດໍາເນີນງານຂອງ ຜ-ຟຟລ ໃນປີ 2016 ແກ່ຜູ້ຖືຮຸ້ນ ຮັບຊາບ ແລະ ຮັບຮອງແຜນການດໍາເນີນທຸລະກິດ ລວມທັງແຜນຍຸດທະສາດສຳລັບປີ 2017.