ຜ-ຟຟລ ມອບອຸປະກອນການສຶກສາ ແລະ ກິລາ ພ້ອມດ້ວຍເຄື່ອງອຸປະໂພກບໍລິໂພກໃຫ້ໂຮງຮຽນບ້ານພູຊ້າງ, ເມືອງຊຽງເງິນ ແຂວງຫຼວງພະບາງ.

ໃນລະຫວ່າງວັນທີ 5-8 ເດືອນ ທັນວາ 2016, ພະແນກສິ່ງແວດລ້ອມ ໂດຍການສົມທົບກັບເຂື່ອນໄຟຟ້ານ້ຳຄານ 2 ຂອງ ຜ-ຟຟລ, ໄດ້ຈັດພິທີມອບອຸປະກອນການສຶກສາ ແລະ ກິລາ ພ້ອມດ້ວຍເຄື່ອງອຸປະໂພກບໍລິໂພກ ຊຶ່ງມີມູນຄ່າທັງໝົດ 46.700.000 ກິບ ໃຫ້ແກ່ບັນດານ້ອງນັກຮຽນໂຮງຮຽນປະຖົມ ແລະ ມັດທະຍົມບ້ານພູຊ້າງ, ເມືອງຊຽງເງິນ ແຂວງຫຼວງພະບາງ; ຊຶ່ງເປັນໜຶ່ງໃນບ້ານຈັດສັນຂອງໂຄງການເຂື່ອນໄຟຟ້ານ້ຳຄານ 2. ໃຫ້ກຽດເຂົ້າຮ່ວມງານໃນຄັ້ງນີ້ ລວມມີທ່ານ ຮອງຜູ້ອຳນວຍການເຂື່ອນໄຟຟ້ານ້ຳຄານ 2 ພ້ອມດ້ວຍຄະນະ, ຄະນະອໍານວຍການໂຮງຮຽນປະຖົມ ແລະ ມັດທະຍົມ, ຫົວໜ້າພະແນກສິ່ງແວດລ້ອມ, ຮອງຫົວໜ້າພະແນກສື່ສານອົງກອນຂອງ ຜ-ຟຟລ, ອໍານາດການປົກຄອງບ້ານ, ຄູ-ອາຈານ ພ້ອມດ້ວຍນັກຮຽນເຂົ້າຮ່ວມຫຼາຍກວ່າ 200 ຄົນ.