• #
  • #
  • #

  ເຊີນ​ເຂົ້າ​ຮ່ວມ​ກອງປະຊຸມວິ​ສາມັນ​ຜູ້ຖື​ຮຸ້ນ ຄັ້ງທີ 1/2017     There have been 158 visitors to this websiteThere have been 158 visitors to this websiteThere have been 158 visitors to this website 

  ບໍລິສັດ ຜະ​ລິດ-​ໄຟຟ້າ​ລາວ ມະຫາຊົນ (“ບໍລິສັດ”)​ ຂໍຖືເປັນກຽດຮຽນເຊີນທ່ານເຂົ້າຮ່ວມ​ກອງປະຊຸມວິສາມັນ​ຜູ້ຖື​ຮຸ້ນ ຄັ້ງທີ 1/2017 ​ໃນ​ວັນ​ທີ 25 ຕຸລາ 2017 ​ເວລາ 15:00​ ໂມງ (ລົງທະບຽນເວລາ 13:30ໂມງເປັນຕົ້ນໄປ), ທີ່ຫ້ອງປະຊຸມຊັ້ນ 1, ອາ​ຄານສຳນັກງານໃຫຍ່ ຂອງລັດວິສາຫະກິດໄຟຟ້າລາວ, ຖະໜົນມິດຕະພາບລາວ-ໄທ, ບ້ານທົ່ງກາງ, ເມືອງສີສັດຕະນາກ, ນະຄອນຫຼວງ​ວຽງ​ຈັນ.​ ບໍລິສັດໄດ້ແຈ້ງວັນ, ເວລາ ແລະ ວາລະກອງປະຊຸມວິສາມັນຜູ້ຖືຮຸ້ນ ຄັ້ງທີ 1/2017 ຜ່ານເວັບໄຊທ໌ ຂອງ ບໍລິສັດ (www.edlgen.com.la) ແລະ ລະບົບຂໍ້ມູນຂ່າວສານ ຂອງ ຕະຫຼາດຫຼັກຊັບລາວ (www.lsx.com.la).

         ​ບໍລິສັດໄດ້ກຳນົດວັນທີປິດ​ປື້​ມບັນຊີ​​ຜູ້ຖື​ຮຸ້ນ​​ ​ເພື່ອ​ກຳນົດ​ລາຍຊື່ຂອງ​ຜູ້ຖື​ຮຸ້ນ ທີ່ມີສິດເຂົ້າ​ຮ່ວມກອງປະຊຸມວິສາມັນ​ຜູ້ຖື​ຮຸ້ນຄັ້ງທີ 1/2017, ໃນ​ວັນ​ທີ 11 ຕຸລາ 2017, ຊຶ່ງ​ໄດ້​ເປີດ​ເຜີຍ​​ໃຫ້​ບັນດາ​ທ່ານຊາບ​ແລ້ວ.

                                ຫວັງວ່າທ່ານຄົງສະຫຼະເວລາອັນມີຄ່າ ເຂົ້າຮ່ວມກອງປະຊຸມຄັ້ງນີ້ດ້ວຍ.                                                              

                                                           ດ້ວຍຄວາມນັບຖື,

                                                                 ຮອງປະທານສະພາບໍລິຫານ                     

                                                                        ບູນອຸ້ມ ສີວັນເພັງ

 

      ເອກະສານ​ຄັດ​ຕິດ:

  1. ວາລະກອງປະຊຸມວິສາມັນຜູ້​ຖືຮຸ້ນ ຄັ້ງທີ 1/2017.
  2. ບົດ​ບັນ​ທຶກ​ກອງ​ປະ​ຊຸມສາມັນ​ຜູ້ຖື​ຮຸ້ນປະຈຳປີ 2016.
  3. ໃບ​ມອບ​ສັນທະ.
  4. ເອກະສານ​​ ແລະ ຫຼັກ​ຖານ​ທີ່​ຜູ້​ເຂົ້າ​ຮ່ວມກອງ​ປະຊຸມຕ້ອງ​​ໃຊ້​ເພື່ອ​ການສະ​​ເໜີ​​ໂຕໃນ​ການ​ເຂົ້າ​ຮ່ວມ​ກອງປະຊຸມ, ການມອບໝາຍ, ການ​ລົງທະບຽນ​ ແລະ ການ​ລົງ​ຄະ​ແນນສຽງ​ໃນ​ກອງ​ປະຊຸມວິສາມັນ​ຜູ້​ຖື​ຮຸ້ນ.
  5. ​ແຜນ​ທີ່​ ຂອງ ສະຖານ​ທີ່​ຈັດ​ກອງ​ປະຊຸມວິສາມັນຜູ້ຖື​ຮຸ້ນ ຄັ້ງທີ 1/2017.​

     ໝາຍເຫດ:

  1. ຜູ້ຖືຮຸ້ນທຸກໆທ່ານ ຕ້ອງໄປຮັບເອົາໜັງສືເຊີນປະຊຸມພ້ອມເອກະສານຄັດຕິດຕ່າງໆ ເລີ່ມແຕ່ວັນທີ 13 ຕຸລາ 2017, ຢູ່ທີ່ຕະຫຼາດຫຼັກຊັບລາວ ຊັ້ນ 4 ພະແນກຊໍາລະສະສາງ ແລະ ຮັບຝາກຫຼັກຊັບ, ບ້ານໂພນທັນເໜືອ, ຖະໜົນ T4, ເມືອງໄຊເຊດຖາ, ນະຄອນຫຼວງວຽງຈັນ, ໂທລະສັບ: (856-21) 454361-4, ແຟັກ: (856-21) 454361-4.
  2. ສຳລັບ​ຜູ້​ຖື​ຮຸ້ນ​ທີ່​​ຈະ​ເຂົ້າ​ຮ່ວມ​ປະຊຸມ​ດ້ວຍ​ຕົນ​ເອ​ງກະລຸນາ​ນຳບັດປະຈຳ​ຕົວ ຫຼື ໜັງສືຜ່ານ​ແດນ (ສຳລັບ​ຜູ້​ຖື​ຮຸ້ນ​ຄົນຕ່າງປະ​ເທດ) ມາໃນວັນ​ປະຊຸມ ເພື່ອ​ສະ​ເໜີ​​ໂຕ​ເຂົ້າ​ຮ່ວມກອງ​ປະຊຸມ.
  3. ​ສຳລັບ​ຜູ້​ຖື​ຮຸ້ນ​ທີ່​​ຈະ​​ໃຫ້ຜູ້ຕາງໜ້າ​​​ເຂົ້າ​ຮ່ວມກອງ​ປະຊຸມ ແລະ ລົງ​ຄະ​ແນນສຽງ​ແທນ​, ກະລຸນາ​ປະກອບ​ຂໍ້​ມູນ ແລະ ລົງ​ລາຍ​ເຊັນ​ໃນ​ໃບ​ມອບ​ສັນທະຕາມ ເອກະສານຄັດຕິດ 3 ທີ່​ໄດ້​ຄັດຕິດມາ​ພ້ອມ​ນີ້ໃຫ້​ຖືກຕ້ອງຄົບ​ຖ້ວນ​.
  4. ສຳລັບ​ຜູ້ຕາງໜ້າ​ທີ່​ຈະ​ເຂົ້າ​ຮ່ວມ​ປະຊຸມ​ຈະ​ຕ້ອງ​ນຳ​ເອກະສານ ຫຼື ຫຼັກ​ຖານ​ ​ເພື່ອ​ສະ​ເໜີ​ໂຕ​ເຂົ້າ​ຮ່ວມກອງ​ປະຊຸມຕາມ​ລາຍ​ລະອຽດ​ທີ່​ໄດ້​ລະບຸໄວ້​ໃນ ເອກະສານ​​ຄັດຕິດ 4 ​ທີ່​ໄດ້ຄັດຕິດມາພ້ອມນີ້ ແລະ ສົ່ງ​ມອບ​ໃຫ້​ປະທານ​ກອງ​ປະຊຸມ ​ແລະ/ຫຼື ຜູ້​ທີ່​ໄດ້​ຮັບ​ມອບ​ໝາຍຈາກ​ປະທານ​, ຜູ້ຕາງໜ້າ​ຈຶ່ງເຂົ້າ​ຮ່ວມ​ກອງປະຊຸມ​ໄດ້.
  5. ​ໃນ​ກໍລະນີ​ທີ່​ຜູ້​ຖື​ຮຸ້ນຈະ​ມອບ​ໝາຍ​​ໃຫ້​ກຳມະການອິດສະຫລະ ​ຂອງ​ ບໍລິສັດ ເຂົ້າ​ຮ່ວມກອງ​ປະຊຸມ ແລະ ລົງ​ຄະ​ແນນສຽງ​ແທນ, ກະລຸນາ​ປະກອບ​ຂໍ້​ມູນ​​ ແລະ ​ລົງ​ລາຍ​ເຊັນໃນ​ໃບ​ມອບ​ສັນທະ ​ແລະ ໝາຍ  (aເພື່ອເລືອກເອົາກຳມະການອິດສະຫລະ ຂອງ ບໍລິສັດທ່ານໃດທ່ານໜຶ່ງເປັນ​ຜູ້​ຕາງໜ້າ​ ແລະ​ ສົ່ງ​​ໃບ​ມອບ​ສັນທະ​​ດັ່ງກ່າວ​ພ້ອມ​ເອກະສານ​ປະກອບສົ່ງເຖິງ ບໍລິສັດ ຜະ​ລິດ-​ໄຟຟ້າ​ລາວ ມະຫາຊົນ, ຊັ້ນ 7, ພະແນກເລຂານຸການບໍລິສັດ, ຖະໜົນມິດຕະພາບລາວ-ໄທ, ບ້ານທົ່ງກາງ, ເມືອງສີສັດຕະນາກ, ນະຄອນຫຼວງວຽງຈັນ, ສປປ ລາວ. ຕູ້​ ປ.ນ.2392. ແລະກະລຸນາສົ່ງເຖິງບໍລິສັດ ກ່ອນວັນທີ 25 ຕຸລາ 2017.
  6. ຖ້າ​ຫາກ​ທ່ານ​ມີ​ຂໍ້​ສົງ​ໄສ ຫຼື ຄຳ​ຖາມ​ກ່ຽວ​ກັບ​ການ​ມອບ​ສັນທະ, ກະລຸນາສອບ​ຖາມ​ ທ່ານ ນາງ ໂພຄິນ ອັບໄພ ​ໂທ: (856-20) 545 49978 ຫລື ​ ທ່ານ ບຸນເກີດ ໄຊຍະສອນ ໂທ: (856-20) 222 48202 ໃນ​​ໂມງ​ລັດຖະການ.
 
ຮູບແບບ
ຂະໜາດ
ດາວໂຫລດ

ເຊີນ​ເຂົ້າ​ຮ່ວມ​ກອງປະຊຸມວິ​ສາມັນ​ຜູ້ຖື​ຮຸ້ນ ຄັ້ງທີ 1/2017

pdf
9.42 MB.