• #
  • #
  • #

  ຄະນະການນຳ ແລະ ນັກສຶກສາ ສະຖາບັນວິຈິດສິນ ແຫ່ງຊາດ ຢ້ຽມຢາມເຂື່ອນໄຟຟ້ານໍ້າງື່ມ-1     There have been 172 visitors to this websiteThere have been 172 visitors to this websiteThere have been 172 visitors to this website 

ບໍ​ລິ​ສັດ ຜ​ະ​ລິດ-ໄຟ​ຟ້າ​ລາວ ມ​ະ​ຫາ​ຊົນ ໄດ້ນຳ​ພ​າ​ຄ​ະ​ນ​ະ​ຈາກ ສະ​ຖາ​ບັນ​ວິ​ຈິດ​ສິນ​ແຫ່ງຊາດ ຈຳນວນ 20 ທ່ານ ເພື່​ອ​ຢ້ຽມຢາມ, ທັດ​ສະ​ນະ​ສຶກ​ສາ ແລ​ະ ທ່ຽວ​ຊົ​ມ​ເຂື່ອນ​ໄຟ​ຟ້າ​ນ້ຳ​ງື່ມ -1, ທີ່​ເມືອງ​ແກ້ວ​ອຸ​ດົມ ແຂວງວຽງ​ຈັນ ໃນ​ວັນ​ທີ 16 ກັນ​ຍ​າ 2017. ຄະນະທີ່​ຮ່ວມ​ທັດ​ສະ​ນະ​ສຶກສາໃນຄັ້ງນີ້ ປ​ະ​ກອບ​ມີ: ຄະນະອຳນວຍການ, ​ຄູ​ອາ​ຈານ ​ແລະ ນັກ​ສຶກ​ສາ​ທີ່​ໄດ້​ຮັບ​ລ​າງວັນ​ໃນ​ໂຄງກ​ານ​ແຂ່ງ​ຂັນ​ປະ​ກວດ​ແຕ້ມ​ຮູບ ພາຍ​ໃຕ້​ຫົວ​ຂໍ້ “ພະ​ລັງ​ງານ​ທີ່​ຍື​ນ​ຍົງ​ສຳ​ລັບ​ຊ​າດ” ເຊິ່ງ​ໄດ້​ຈັດ​ຂຶ້ນ​ໃນ​ວັນ​ທີ 20 ມິ​ຖຸ​ນາ 2017 ທີ່​ສະ​ຖາ​ບັນ​ວິ​ຈິດ​ສິນ​ແຫ່ງ​ຊ​າດ.

            ການ​ໄປ​ທັດ​ສ​ະ​ນະ​ສຶກ​ສາ ແລະ ທ່ອງ​ທ່ຽວ​ໃນ​ຄັ້ງ​ນີ້ກໍ່​ເພື່ອ​ເປັນ​ການ​ເສີມ​ສ້າ​ງ​ຄວ​າມ​ຮູ້ ແລະ ເຂົ້າ​ໃຈ​ກ່ຽວ​ກັບ​ວຽກ​ງານ​ການ​ຜ​ະ​ລິ​ດ​ພະ​ລັງ​ງ​ານ​ໄຟ​ຟ້າ​ຂອງ ສ​ປ​ປ ລ​າວ ໂດຍ​ສ​ະ​ເພາ​ະ​ວຽກ​ງານ​ການ​ຜ​ະ​ລິດພະລັງງານ​ໄຟ​ຟ້າ, ການ​ຄຸ້ມ​ຄອງ​ຮັກ​ສາ​ເຂື່ອນ, ວຽກ​ງານ​ສິ່ງ​ແວດ​ລ້ອມ​ຂອງ​ເຂື່ອນ ແລະ ວຽກ​ງານ​ການ​ຂະ​ຫຍ​າຍ​ກຳລັງ​ການ​ຜະ​ລິດ​​ຂອງ​ເຂື່ອນ​ດັ່ງກ່າວ​ແຕ່​ອະ​ດີດເຖິງ​ປັດ​ຈຸ​ບັນ ແລະ ແຜນ​ການ​ຜ​ະ​ລິດ​ໃນ​ອະ​ນາ​ຄົດ. ເຂື່ອນໄຟຟ້ານໍ້າງື່ມ-1 ເປັນ​ເຂື່ອນ​ໃຫຍ່​ແຫ່ງ​ທຳ​ອິດ​ຂອງ ສ​ປ​ປ ລ​າວ, ມີກຳລັງຕິດຕັ້ງ 155 ເມ​ກາ​ວັດ ແລະ ເຂື່ອນ​ດັ່ງ​ກ່າວກຳລັງພັດທະນາ ຂະຫຍາຍກຳລັງຕິດຕັ້ງ​ໃຫ້​ໄດ້ 275 ເມ​ກາ​ວັດ​ໃນ​​ໄວໆ​ນີ້.

            ການ​ຮ່ວມ​ທັດ​ສ​ະ​ນະ​ໃນ​ຄັ້ງ​ນີ້ ຜູ້ເຂົ້າຮ່ວມ​ໄດ້​ຮັບ​ຟັງ​ປ​ະ​ຫວັດ​ຄວາມ​ເປັນ​ມາ​ຂອງ​ເຂື່ອ​ນ​ຈາກ​ຮອງ​ຜູ້​ອຳ​ນວຍ​ການ​ເຂື່ອນໄຟຟ້ານໍ້າງື່ມ-1, ຮ່ວມ​ຢ້ຽມ​ຊົມ​ໂຮງ​ຈັກ, ຫ້ອ​ງ​ຄວ​ບ​ຄຸມ​ການ​ຜະ​ລິດ, ບໍ​ລິ​ເວນ​ສັນ​ເຂື່ອນ, ເຂົ້​າ​ຢ້ຽມຊົມ​ໂຄງ​ການ​ພາກ​ຂະ​ຫຍາ​ຍ​ຈັກເຍິ 7 ແລະ ເບີ 8 ແລະ ທ່ຽວ​ຊົ​ມ​ທຳ​ມະ​ຊາດ​ໂດຍ​ການ​ລ່ອງ​ເຮືອ​ຊົມ​ວິວ​ທິວ​ທັດ​ບໍ​ລິເວ​ນ​ອ່າງ​ນໍ້າງື່ມ.