• #
  • #
  • #
  • #
  • #

  ຄະນະຜູ້ໂຊກດີ ຢ້ຽມຢາມເຂື່ອນ ໄຟຟ້າ ນ້ຳງື່ີມ -1 ແລະ ເຂື່ອນ ໄຟຟ້າ ນ້ຳມັງ 3     There have been 238 visitors to this websiteThere have been 238 visitors to this websiteThere have been 238 visitors to this website 

     ບໍລິສັດ ຜະລິດ-ໄຟຟ້າ ລາວ ມະຫາຊົນ ໄດ້ຈັດກິດຈະກຳ ນຳພາຄະນະຜູ້ໂຊກດີ ຈຳນວນ 14 ທ່ານ ເພື່ອທັດສະນະສຶກສາ ແລະ ທ່ຽວຊົມ ເຂື່ອນ ໄຟຟ້າ ນ້ຳງື່ີມ -1 ທີ່ ເມືອງແກ້ວອຸດົມ ແຂວງວຽງຈັນ ແລະ ເຂື່ອນ ໄຟຟ້າ ນ້ຳມັງ 3 ທີ່ ເມືອງ ທຸລະຄົມ ແຂວງວຽຈັນ, ໃນວັນທີ 27 ສິງຫາ 2017, ບັນດາຜູ້ໂຊກດີ ດັ່ງກ່າວແມ່ນຜູ້ທີ່ໄດ້ຮັບລາງວັນ ຊະນະເລີດ ໃນງານ ເປີດໂລກແຫ່ງການລົງທືນ ປະຈຳປີ 2017 ພາຍໃຕ້ຫົວຂໍ້ “ ທຸລະກິດທີ່ຍືນຍົງ ສ້າງສະຖານະທີ່ໝັ້ນຄົງ ໃນຕະຫຼາດທຶນ ” ເຊິ່ງໄດ້ຈັດຂຶ້ນລະຫ່ວາງວັນທີ 22 ຫາ 23 ກໍລະກົດ, ທີ່ສູນການຄ້າ ລາວ-ໄອເຕັກ ນະຄອນຫຼວງວຽງຈັນ.

    ການໄປທັດສະນະສຶກສາ ແລະ ທ່ອງທ່ຽວ ໃນຄັ້ງນີ້ ກໍ່ເພື່ອເປັນການເສີມສ້າງຄວາມຮູ້, ຄວາມເຂົ້າໃຈ ກ່ຽວກັບວຽກງານການຜະລິດພະລັງງານໄຟຟ້າ ຂອງ ສ ປ ປ ລາວ ແລະ ໃນການຮ່ວມທັດສະນະໃນຄັ້ງນີ້ ຜູ້ໂຊກດີ ໄດ້ຮັບຟັງ ປະຫວັດຄວາມເປັນມາຂອງເຂື່ອນ ຈາກຮອງຜູ້ອຳນວຍການເຂື່ອນ ຮ່ວມຢ້ຽມຊົມ ໂຮງຈັກ, ຫ້ອງຄວບຄຸມການຜະລິດ, ບໍລິເວນສັນເຂື່ອນ ແລະ ທ່ຽວຊົມທຳມະຊາດ ໂດຍສະເພາະລ່ອງເຮືອ ຊົມວິວ ທິວທັດ ທີ່ສວຍສົດງົດງາມ ບໍລິເວນອ່າງເກັບນ້ຳຂອງຂື່ອນ ໄຟຟ້ານ້ຳງື່ມ -1.