• #
  • #
  • #

  ພະນັກງານ ຜ-ຟຟລ ຮ່ວມໃຈອຸປະຖໍາທຶນການສຶກສາ ໃຫ້ເດັກນ້ອຍພິການ     There have been 266 visitors to this websiteThere have been 266 visitors to this websiteThere have been 266 visitors to this website 

ຄະນະສະພາບໍລິຫານ ແລະ ພະນັກງານຂອງ ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ຮ່ວມໃຈກັນ ອຸປະຖໍາທຶນການສຶກສາ ມູນຄ່າ 30 ລ້ານກີບ ໃຫ້ແກ່ມູນນິທິການສຶກສາເພື່ອການພັດທະນາ ຫຼື Education for Development Fund (EDF) ເພື່ອ ຊ່ວຍເຫຼືອ ເດັກນ້ອຍພິການຜູ້ມີຄວາມຕ້ອງການພິເສດ ເພື່ອເປັນການໃຫ້ໂອກາດ ແລະ ຄວາມຫັວງດ້ານການສຶກສາ ສຳລັບເດັກດັ່ງກ່າວ. ທຶນການສຶກສາດັ່ງກ່າວນີ້ ເປັນການປະກອບສ່ວນ ຂອງຄະນະສະພາບໍລິຫານ ແລະ ອ້າຍນ້ອງພະນັກງານ ທັງໝົດຂອງ ຜ-ຟຟລ ລວມທັງພະນັກງານທີ່ສັງກັດຢູ່ ສຳນັກງານໃຫຍ່ ແລະ ສັງກັດຢູ່ ບັນດາເຂື່ອນ ທີ່ ຜ-ຟຟລ ຄຸ້ມຄອງ ເຊິ່ງລວມມີ: ເຂື່ອນໄຟຟ້ານໍ້າງື່ມ-1, ເຂື່ອນໄຟຟ້ານໍ້າມັງ 3, ເຂື່ອນໄຟຟ້ານໍ້າເລີກ, ເຂື່ອນໄຟຟ້າເຊເສັດ 1-2, ເຂື່ອນໄຟຟ້າແຊລະບຳ, ເຂື່ອນໄຟຟ້ານໍ້າຊອງ, ເຂື່ອນໄຟຟ້ານໍ້າສະນາ, ເຂື່ອນໄຟຟ້ານໍ້າຄານ 2-3, ເຂື່ອນໄຟຟ້າຫ້ວຍລໍາພັນໃຫຍ່ ແລະ ເຂື່ອນໄຟຟ້າເຊເສັດ 3

ພິທີມອບ-ຮັບ ທຶນການສຶກສາດັ່ງກ່າວ ໄດ້ຈັດຂຶ້ນທີ່ສຳນັກງານໃຫຍ່ ຜ-ຟຟລ ຕຶກອາຄານສຳນັກງານໃຫຍ່ ລັດວິສາຫະກິດ ໄຟຟ້າລາວ ໃນວັນທີ 8 ສິງຫາ 2017 ໂດຍການເຂົ້າຮ່ວມຂອງທ່ານ ນາງ ລັດຕະນາ ປະທຸມວັນ, ຜູ້ອຳນວຍການໃຫຍ່ ຜ-ຟຟລ, ທ່ານ ຄຳຮຽນ ອິນທະຫວາ ປະທານ ມູນນິທິການສຶກສາເພື່ອການພັດທະນາ ພ້ອມດ້ວຍ ພະນັກງານຂອງທັງສອງພາກສ່ວນ.

ສຳລັບ ທຶນການສຶກສາທີ່ມອບໃນຄັ້ງນີ້ ແມ່ນເພື່ອເອົາໄປຊື້ອຸປະກອນການສຶກສາ ຊຸດເຄື່ອງນຸ່ງສຳລັບນັກຮຽນພິການ ທີ່ອາໃສຢູ່ ທີ່ນະຄອນຫຼວງວຽງຈັນ ແລະ ແຂວງວຽງຈັນ.