• #
  • #
  • #

  ຜ-ຟຟລ ຮ່ວມງານເປີດໂລກແຫ່ງການລົງທຶນ 2017     There have been 404 visitors to this websiteThere have been 404 visitors to this websiteThere have been 404 visitors to this website 

ງານເປີດໂລກແຫ່ງການລົງທືນ ປະຈຳປີ 2017 ພາຍໃຕ້ຫົວຂໍ້ “ທຸລະກິດທີ່ຍຶນຍົງ ສ້າງຖານະໝັ້ນຄົງ ໃນຕະຫຼາດທຶນ” ໄດ້ຈັດຂຶ້ນລະຫ່ວາງວັນທີ 22 ຫາ 23 ກໍລະກົດ, ທີ່ສູນການຄ້າ ລາວ-ໄອເຕັກ ນະຄອນຫຼວງວຽງຈັນ ໂດຍການຮ່ວມມືລະຫ່ວາງ ຕະຫຼາດຫຼັກຊັບລາວ, ທະນາຄານແຫ່ງ ສປປ ລາວ, ສຳນັກງານຄຸ້ມຄອງຕະຫຼາດຫຼັກຊັບ ແລະ ບໍລິສັດທີ່ກ່ຽວຂ້ອງຫຼາຍກ່ວາ 30 ບໍລິສັດ. ໃຫ້ກຽດເປັນປະທານຂອງງານໂດຍ ທ່ານ ສົມດີ ດວງດີ, ຮອງນາຍົກລັດຖະມົນຕີ ລັດຖະມົນຕີກະຊວງການເງີນ. ເຊິ່ງຈຸດປະສົງຂອງງານໃນຄັ້ງນີ້ ເພື່ອສົ່ງເສີມ, ເພີ່ມທະວີຄວາມຮູ້ ແລະ ຄວາມເຂົ້າໃຈກ່ຽວກັບວຽກງານຕະຫຼາດທຶນ ກໍ່ຄືວຽກງານຕະຫຼາດຫຼັກຊັບໃຫ້ແກ່ມວນຊົນ ແລະ ນັກລົງທຶນ.

ງານດັ່ງກ່າວຍັງໄດ້ເປີດໂອກາດໃຫ້ແກ່ພາກສ່ວນ ທີ່ມີສ່ວນຮ່ວມໃນຕະຫຼາດທຶນເຊັ່ນ: ບັນດາບໍລິສັດຈົດທະບຽນໃນຕະຫຼາດຫຼັກຊັບ, ບັນດາບໍລິສັດຫຼັກຊັບ, ບໍລິສັດກວດສອບ, ບໍລິສັດທີ່ປຶກສາດ້ານກົດໝາຍ ແລະ ບັນດາບໍລິສັດເປົ້າ  ໝາຍຈົດທະບຽນ ໄດ້ພົບປະ ແລະ ໃຫ້ຂໍ້ມູນ ດ້ານທຸລະກິດແກ່ມວນຊົນ ແລະ ນັກລົງທຶນ ກ່ຽວກັບສິນຄ້າ, ຜະລິດຕະພັນ, ການບໍລິການ, ກິດຈະກຳຂອງອົງກອນ ແລະ ບົດບາດຂອງຕົນໃນຂົງເຂດຕະຫຼາດທຶນ ແລະ ອື່ນໆ.

ພາຍໃນງານດັ່ງກ່າວ, ບໍລິລິສັດ ຜະລິດ-ໄຟຟ້າ ລາວ ມະຫາຊົນ ໄດ້ເຮັດກິດຈະກຳໃຫ້ຂໍ້ມູນແກ່ຜູ້ທີ່ມາຮ່ວມງານ ພ້ອມທັງ ແຈກຂອງລາງວັນ, ທັງທີ່ຫ້ອງວາງສະແດງ ແລະ ເທິງເວທີກາງ ເຊັ່ນດຽວກັນກັບບັນດາບໍລິສັດ ອື່ນໆທີ່ຮ່ວມງານ.