• #
  • #
  • #

  ເປີດໂຮງງານ ຜະລິດ-ໄຟຟ້າແສງຕາເວັນ ແຫ່ງທຳອິດໃນ ສປປ ລາວ     There have been 1736 visitors to this websiteThere have been 1736 visitors to this websiteThere have been 1736 visitors to this websiteThere have been 1736 visitors to this website 

ໃນວັນທີ 7 ກຸມພາ 2017, ບໍລິສັດ ອີດີເອວ - ເຈັນ ໂຊລ່າ ພາວເວີ້ຈໍາກັດ ໄດ້ຈັດພິທີເປີດ ໂຮງງານ ຜະລິດ-ໄຟຟ້າແສງຕາ​ເວັນຢ່າງເປັນທາງການ ເຊິ່ງເປັນແຫ່ງທຳອິດໃນ ສປປ ລາວ. ໂຄງການດັ່ງກ່າວ ຕັ້ງຢູ່ບ້ານແຈ້ງສະຫວ່າງ ເມືອງນາຊາຍທອງ ນະຄອນຫລວງວຽງ​ຈັນ.

ພິທີດັ່ງກ່າວ ໄດ້ຮັບກຽດເຂົ້າຮ່ວມໂດຍ ທ່ານ ປອ ຄຳມະນີ ອິນທິລາດ, ລັດຖະມົນຕີ ກະຊວງພະລັງງານ ແລະ ບໍ່ແຮ່, ບັນດາທ່ານລັດຖະມົນຕີ, ຮອງລັດຖະມົນຕີ, ຫົວໜ້າກົມ, ຮອງກົມ ຈາກບັນດາກະຊວງທີ່ກ່ຽວຂ້ອງ ພ້ອມນີ້ຍັງມີທ່ານ ທ່ານ ບຸນອູ້ມ ສີວັນເພັງ ຜູ້ອຳນວຍການໃຫຍ່ ລັດວິສາຫະກິດ ໄຟຟ້າລາວ ພ້ອມດ້ວຍຄະນະ, ທ່ານ ລັດຕະນາ ປະທຸມວັນ ຜູ້ອໍານວຍການໃຫຍ່ ບໍລິສັດ ຜະລິດ-ໄຟຟ້າລາວ ມະຫາຊົນ, ປະທານສະພາບໍລິຫານ ບໍລິສັດ ອີດີເອວ-ເຈັນ ໂຊລ່າ ພາວເວີ້ ຈຳກັດ ພ້ອມດ້ວຍ ຄະນະ​ສະພາ​ບໍລິຫານ, ພະນັກງານ​ຈາກ​ ບໍລິສັດ ຜະລິດ-​ໄຟ​ຟ້າ​ລາວ ມະຫາຊົນ, ບັນດາ​ທະນາຄານ ​ແລະ ສະ​ຖາ​ບັນ​ການ​ເງິນ​ຕ່າງໆ​, ພ້ອມ​ດ້ວຍສື່ມວນຊົນ.​

ໂຮງງານ​ດັ່ງກ່າວ​ເປັນ​​​ໂຮງງານ​ແຫ່ງ​ທໍາ​ອິດ​ຂອງ​ລາວ ​ທີ່ໄດ້ມີ​ການ​ນໍາ​ໃຊ້​ເຕັກ​ນິກ​ ​ແລະ ​ເຕັກ​ໂນ​​ໂລຊີທີ່​ທັນ​ສະ​ໄໝ​ ​ໂດຍນຳ​ການໃຊ້​ແຜ່ນ​ໂຊ​ລ່າຂະໜາດ 320​ ວັດຕໍ່​​ແຜງ ຈໍານວນ​ທັງໝົດ 9.600 ​ແຜງ ​ເພື່ອ​​ເຊື່ອມ​ຕໍ່​ເຂົ້າ​​ໃນ​ລະບົບສາຍ​ສົ່ງ​​ 22 ກິ​​ໂລ​​​ໂວ​ນ ຂອງລັດ​ວິ​ສາ​ຫະກິດ​ໄຟຟ້າ​ລາວ ​ເຊິ່ງ​ໂຄງການ​ດັ່ງກ່າວ​ນີ້​ມີ​ມູນ​ຄ່າ​ການ​ລົງທຶນທັງໝົດ 3,445,306 ​ໂດລາ​ສະຫະລັດ ຫຼື ປະມານ 27 ຕື້​ກີບ.

ບໍລິສັດ ອີ​ດີ​ແອວ-​ເຈັນ ​ໂຊ​ລ່າ​ພາວ​ເວີ້ ຈໍາກັດ ​ແມ່ນບໍລິສັດຮ່ວມທຶນກັນ ລະຫວ່າງ ບໍລິສັດ ຜະລິດ-ໄຟຟ້າລາວ ມະຫາຊົນ ກັບ ບໍລິສັດ ພັດທະນາພະລັງງານບໍລິສຸດ ຈຳກັດຜູ້ດຽວ, ບໍລິສັດ  ຜະລິດ-ໄຟຟ້າລາວ ມະຫາຊົນ ຖືຮຸ້ນ 60 ສວ່ນຮ້ອຍ ແລະ ບໍລິສັດ ພັດທະນາພະລັງງານບໍລິສຸດ ຈຳກັດຜູ້ດຽວ ຖືຮຸ້ນ 40 ສ່ວນຮ້ອຍ.