ປະຫວັດຄວາມເປັນມາ ຂອງ ເຂື່ອນໄຟຟ້ານຳ້ເລິກ

ເຂື່ອນ​ໄຟຟ້ານ້ຳ​ເລິກ​ໄດ້​ກໍ່ສ້າງ​ສຳ​ເລັດ​ໃນ​ປີ 2000 ເຊິ່ງມີ​ກຳລັງ​ຕິດຕັ້ງ 60 MW ປະກອບ​ມີ​ເຄື່ອງ​ຈັກ 2 ໜ່ວຍ ​ໂດຍ​ມີ​ກຳລັງ​ຕິດ​ຕັ້ງ​ໜ່ວຍ​ລະ 30 MW ເຂື່ອນ​ດັ່ງກ່າວ​ປະກອບ​ມີ​ອ່າງ​ເກັບ​ນ້ຳຢູ່​ຕອນ​ເທິງ​ຫ່າງ​ຈາກ​ໂຮງ​ໄຟຟ້າ​ ປະມານ 10 Km. ມີ​ອຸ​ໂມງ​ສົ່ງ​ນ້ຳຍາວ 2,830 m, ທໍ່ສົ່ງ​ນ້ຳ​ແບບ​ເປີ​ດໜ້າດິນ ມີ​ຄວາມ​ຍາ​ວ 458 m ແລະ ມີ​ເສັ້ນຜ່າ​ກາງ 3.40 m ນອກຈາກ​ນັ້ນ ຍັງ​ໄດ້ອ່ວຍ​ນ້ຳຈາກ​ນ້ຳປູນ​ເຂົ້າຫາ​ອ່າງ​ນ້ຳ​ເລິກ​ຕື່ມ​ອີກ ມີ​ຄວາມ​ຍາ​ວປະມານ 2,600 m. ມີ​ອຸ​ໂມງ​ເສັ້ນຜ່າ​ກາງ 3.30 m.

ຝາຍ​ນ້ຳລົ້ນ

ຝາຍ​ນ້ຳລົ້ນ​ໃຫຍ່​ແມ່ນ​ຝາຍ​ນ້ຳລົ້ນ​ແບບ​ເປີດ, ​ເຊິ່ງ​ຢູ່​ເບື້ອງຊ້າຍ​ຂອງ​ຕົວ​ເຂື່ອນ, ມີ​ຄວາມ​ຍາວ 60 m ແລະ ສາມາດ​ລະບາຍ​ນ້ຳ​ໄດ້ 2.100 m​3/s. ຝາຍ​ນ້ຳລົ້ນສຳຮອງ​ແມ່ນ ຝາຍ​ນ້ຳລົ້ນຂະໜາດ​ນ້ອຍ ​ເຊິ່ງ​ຢູ່​ຫ່າງ​ຈາກ​ຕົວ​ເຂື່ອນ​ໄປ​ທາງ​ເບຶ້ອງຊາຍ. ຝາຍ​ນ້ຳລົ້ນດັ່ງກ່າວ​ແມ່ນ​ເພື່ອ​ລະບາຍ​ນ້ຳຊ່ວຍ​ຝາຍ​ນ້ຳລົ້ນ​ໃຫຍ່​ໃນ​ ເມື່ອເວລາ​ຫາກ​ນ້ຳຂຶ້ນສູງ​ສຸດ ​ແລະ ຝາຍ​ດັ່ງກ່າວ​ສາມາດ​ລະບາຍ​ນ້ຳ​ໄດ້ 1.500 m3/s.

ລະບົບສາຍສົ່ງ

ຈາກ​ສະຖານີ​ຈ່າຍ​ໄຟຟ້າ​ນ້ຳ​ເລິກ​ຕິ​ດກັບ​ໂຮງ​ຈັກ. ກະ​ແສ​ໄຟຟ້າ​ຖືກ​ສົ່ງ​ອອກ 3 ສາຍ​ສົ່ງ 115 kV ຄື: ສາຍ​ສົ່ງ​ທີ 01 ແມ່ນ​ຈາກ​ສະຖານີນ້ຳ​ເລິກ​ຫາ​ສະຖານີປາກ​ຊັນ​ມີ​ຄວາ​ມຍາວ 85 km, ສາຍ​ສົ່ງ​ທີ 02 ແມ່ນ​ຈາກ​ສະຖານີ​ນ້ຳ​ເລິກ​ໂດ​ຍ​​ເລາະ​ຕາມ​ແຄມ​ອ່າງ​ນ້ຳງື່ມຫາ​ສະຖານີ​ເຂື່ອນ ​ໄຟຟ້າ​ນ້ຳງື່ນ I ມີ​ຄວາມ​ຍາວ 55 km ແລະ ສາຍ​ສົ່ງ​ທີ 03 ແມ່ນ​ຈາກ​ສະຖານີ​ນ້ຳ​ເລິກ​ຫາ​ສະຖານີ​ໂພນ​ສະຫວັນ (ຊຽງຂວາງ) ມີ​ຄວາມ​ຍາວ 187 km.

ລັກສະນະ​ທີ່​ສຳຄັນ​ຂອງ​ເຂື່ອນ

ເຂື່ອນ​ນ້ຳ​ເລິກ​ແມ່ນ​ເປັນ​ແບບ​ດິນ​ຖົມ, ​ແກນ​ກາງ​ເປັນ​ດິນ​ໜຽວ. ຄວາມ​ຍາວ​ຕາມ​ສັນ​ເຂື່ອນ​ແມ່ນ 800 m ມີ​ຄວາມ​ສູງຈາ​ກ​ຖານ 45.5 m ບໍລິ​ມາດ​ຂອງ​ດິນ​ ​ແລະ ຫີນທີ່​ນຳ​ມາ​ສ້າງ​ເຂື່ອນ​ແມ່ນ​ມີ​ປະມານ 1.2 mm3.

 

ບໍລິສັດ ຜະລິດ-ໄຟຟ້າລາວ ມະຫາຊົນ
ທາງເລືອກທີ່ຍືນຍົງສຳລັບທ່ານ ພະລັງງານທີ່ຍືນຍົງສຳລັບຊາດ