• #
  • #
  • #
  • #

ເຂື່ອນໄຟຟ້າຫ້ວຍລຳພັນໃຫຍ່ເຄື່ອນໃຫວ ມອບອຸປະກອນການສຶກສາ ແລະ ກິລາ

       ໃນຕອນເຊົ້າຂອງວັນທີ 5/10/2016 ເຂື່ອນໄຟຟ້າຫ້ວຍລຳພັນໃຫຍ່ໄດ້ມີການເຄື່ອນໄຫວຈັດພິທີມອບອຸປະກອນການສຶກສາ ແລະ ກິລາ ໃຫ້ແກ່ນ້ອງນັກຮຽນໂຮງຮຽນປະຖົມບ້ານສະທົວເໜືອ ແລະ ບ້ານ ສະທົວໃຕ້ ປະຈຳສົກປີ 2016-17 ເຊິ່ງພິທີດັ່ງກ່າວໄດ້ຈັດຂຶ້ນທີ່ໂຮງຮຽນປະຖົມບ້ານສະທົວເໜືອ ເມືອງ ທ່າແຕງ ແຂວງ ເຊກອງ ໃຫ້ກຽດກ່າວມອບໂດຍ ທ່ານ ຄຳມະນີອິນທະລັງສີ ຜູ້ອຳນວຍການເຂື່ອນໄຟຟ້າຫ້ວຍລຳພັນໃຫຍ່ ພ້ອມດ້ວຍຄະນະ ແລະ ຂື້ນກ່າວຮັບໂດຍທ່ານ ຄູນ ສີບຸນຄານ ນາຍບ້ານ ບ້ານສະທົວເໜືອ ແລະ ທ່ານຄຳໃຊ ນາຍບ້ານ ບ້ານສະທົວໃຕ້ ອຸປະກອນມທີ່ມອບປະກອບມີ: ປື້ມແບບຮຽນ ຈຳນວນ 300 ຫົວ, ບານສົ່ງຈຳນວນ 6 ໜ່ວຍ, ບານເຕະຈຳນວນ 6 ໜ່ວຍ, ກະຕໍ້ຫວາຍຈຳນວນ 10 ໜ່ວຍ, ຕາໜາງກະຕໍ້ຫວາຍຈຳນວນ 2 ຊຸດ, ຕາໜ່າງບານສົ່ງຈຳນວນ 2 ຊຸດ, ຊຸດກິລາຈຳນວນ 24 ຊຸດ ລວມມູນຄ່າ 13,500,000 ກີບ

       ຈຸດປະສົງຂອງການມອບອຸປະກອນໃນຄັ້ງນີ້ກໍແມ່ນເພື່ອສົ່ງເສີມດ້ານວຽກງານການສຶກສາ ແລະ ກິລາ ຂອງທ້ອງຖິ່ນເວົ້າລວມ ເວົ້າສະເພາະກໍ່ຄືທັງສອງບ້ານ ບ້ານສະທົວເໜືອ ແລະ ບ້ານສະທົວໃຕ້ ໃຫ້ນັບມື້ນັບເຂັ້ມແຂງ ແລະ ຍັງເປັນການເຜີຍແຜ່ນະໂຍບາຍຂອງບໍລິສັດຜະລິດ-ໄຟຟ້າລາວມະຫາຊົນ ທີ່ແນ່ໃສ່ການພັດທະນາຊັບພະຍາກອນມະນຸດເປັນວຽກງານທີ່ສຳຄັນ ເຊິ່ງເປັນການສົ່ງເສີມ ແລະ ຊຸກຍຸ້ເດັກນ້ອຍຜູ້ເກີດໃໝ່ໃຫຍ່ລຸນໃຫ້ກາຍເປັນໜໍ່ແໜງຂອງປະເທດຊາດທີ່ກ້າວໜ້າໃນອະນາຄົດ.

ຫົວຂໍ້ຂ່າວສຳຄັນອື່ນ ກ່ຽວກັບ ເຂື່ອນໄຟຟ້າຫ້ວຍລຳພັນໃຫຍ່
ບໍລິສັດ ຜະລິດ-ໄຟຟ້າລາວ ມະຫາຊົນ
ທາງເລືອກທີ່ຍືນຍົງສຳລັບທ່ານ ພະລັງງານທີ່ຍືນຍົງສຳລັບຊາດ